Face Of Nation 23-05-2022 : યુક્રેન યુદ્ધ વચ્ચે તાઈવાનને ડરાવવાની કોશિશ કરી રહેલા ચીનને પહેલીવાર અમેરિકાના રાષ્ટ્રપતિ જો બાઈડને ખુલ્લી ચેતવણી આપી છે. ક્વાડ મીટિંગમાં ભાગ લેવા જાપાન પહોંચેલા બાઈડને એક બેઠકમાં કહ્યું હતું કે જો ચીન દ્વારા તાઈવાન પર હુમલો કરવામાં આવશે તો અમેરિકા સૈન્ય કાર્યવાહી કરશે. તેમે વધુમાં કહ્યું કે, ચીન તાઈવાન સરહદમાં ઘૂસણખોરી કરીને જોખમ ઉઠાવી રહ્યું છે. તો બીજીતરફ બાઈડને કહ્યું કે, યુક્રેન પર રશિયાના હુમલા બાદ તાઈવાનની રક્ષા કરવાની જવાબદારી વધી ગઈ છે. જો ચીન હુમલો કરે તો અમેરિકા લશ્કરી સહાય દ્વારા તાઇવાનનો બચાવ કરશે. વાસ્તવમાં, તાઈવાન રિલેશન એક્ટ મુજબ, અમેરિકા તાઈવાનની સુરક્ષા કરવા માટે બંધાયેલું છે. કારણ એ છે કે અમેરિકા તાઈવાનને હથિયારો સપ્લાય કરે છે.
તાઇવાન પર કબજો કરવો ખોટું છે
બેઠકમાં બાઈડેનને સવાલ કરાયો હતો કે, શું ચીન તાઈવાન પર કબજો કરવા માટે સત્તાનો ઉપયોગ કરશે તો અમેરિકા હસ્તક્ષેપ કરશે? તેના જવાબમાં જો બાઈડને કહ્યું- અમે એ જ વચન આપ્યું હતું. અમે વન ચાઇના નીતિ માટે સંમત થયા, અમે તેના પર હસ્તાક્ષર કર્યા, પરંતુ એ વિચારવું ખોટું છે કે બળનો ઉપયોગ કરીને તાઇવાનને છીનવી શકાય છે. જો બાઈડને કહ્યું કે તાઈવાન સામે બળનો ઉપયોગ કરવો ચીનનું આ પગલું માત્ર અયોગ્ય નહીં, પરંતુ તે સમગ્ર પ્રદેશને અસ્થિર કરી દેશે.
તાઈવાન પોતાને એક સ્વતંત્ર દેશ તરીકે જુએ છે
ચીન તાઈવાનને પોતાનો ભાગ માને છે, જ્યારે તાઈવાન પોતાને એક સ્વતંત્ર દેશ તરીકે જુએ છે. ચીનનું લક્ષ્ય તાઈવાનને રાજકીય માંગણીઓ સામે ઝુકવા અને ચીનના કબજાને સ્વીકારવા દબાણ કરવાનું રહ્યું છે. રુશિયા-યુક્રેન યુદ્ધ બાદથી એવી આશંકા છે કે ચીન તાઈવાન પર કબજો કરવા માટે યુદ્ધનો માર્ગ પણ અપનાવી શકે છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
