ફેસ ઓફ નેશન, 10-04-2020 : અમદાવાદના નવાવાડજ અને જૂનાવાડજ દુધેશ્વરમાં એક એક પોઝિટિવ કેસ નોંધાયો છે. રાજ્ય આરોગ્ય સચિવ ડો.જયંતિ રવિએ આ અંગે માહિતી આપતા જણાવ્યું હતું કે, અમદાવાદના નવાવાડજમાં એક કેસ પોઝિટિવ નોંધાયો છે. ભીમજીપુરા ચાર રસ્તા નજીક કિરણપાર્ક વિસ્તારમાં આવેલા કેશવ એપાર્ટમેન્ટમાં એક 55 વર્ષીય વ્યક્તિને કોરોના પોઝિટિવ નોંધાતા તેમને સારવાર હેઠળ ખસેડવામાં આવ્યા છે સાથે જ આ એપાર્ટમેન્ટને અને સમગ્ર વિસ્તારને ક્લસ્ટર ક્વોરેન્ટાઇન કરી દેવામાં આવ્યો છે. જૂનાવાડજના દુધેશ્વર, કાલુપુર, જુહાપુરા, માણેકચોક, બાપુનગર અને શાહઆલમમાં વધુ પોઝિટિવ કેસો નોંધાયા છે. અમદાવાદના કોટ વિસ્તારમાં સૌથી વધુ કેસો નોંધાયા છે તે કોરોનાએ હવે અમદાવાદના પશ્ચિમ વિસ્તારોમાં પણ તેનો ફેલાવો શરૂ કરી દીધો છે. પશ્ચિમ વિસ્તારના લોકોએ સતર્ક અને જાગૃત થવાની અને લોકડાઉનનું કડક પાલન કરવાની પણ જરૂરિયાત ઉભી થઇ છે.
Exclusive : કોરોનાના ટેસ્ટને લઈને મહારાષ્ટ્ર અને રાજસ્થાન મોખરે
