Face Of Nation 10-06-2022 : રાજ્યમાં છેલ્લા 3 દિવસમાં કોરોનાના નવા કેસ 100થી વધુ નોંધાઈ રહ્યા છે. આજે છેલ્લા 24 કલાકમાં કોરોનાના 143 નવા કેસ નોંધાયા છે. જ્યારે 51 દર્દી સાજા થયા છે. 33 દિવસ બાદ રાજ્યમાં એક મોત નોઁધાયું છે, ગાંધીનગર શહેરમાં એક દર્દીનું મોત થયું છે. અગાઉ 7મી મેના રોજ એક દર્દીનું મોત થયું હતું. આજે અમદાવાદ શહેરમાં 83 નવા કેસ નોંધાયા છે. રાજ્યમાં કોરોનાનો રિક્વરી રેટ 99.06 ટકા થયો છે. તો બીજીતરફ રાજ્યમાં અત્યાર સુધીમાં 12 લાખ 25 હજાર 931ના રિપોર્ટ પોઝિટિવ આવ્યા છે, જ્યારે મૃત્યુઆંક 10 હજાર 945 થયો છે. તેમજ અત્યાર સુધીમાં 12 લાખ 14 હજાર 405 દર્દી ડિસ્ચાર્જ થયા છે. એક્ટિવ કેસની વાત કરીએ તો રાજ્યમાં હાલ 608 એક્ટિવ કેસ છે, શૂન્ય દર્દી વેન્ટિલેટર પર છે અને તમામ દર્દીઓની હાલત સ્થિર છે.
10 જિલ્લા અને 6 કોર્પોરેશન વિસ્તારમાં નવા કેસ
વડોદરા શહેરમાં 14, ગાંધીનગર શહેરમાં 10, સુરત શહેરમાં 9 અને રાજકોટ શહેરમાં 8 નવા કેસ નોંધાયા છે. જ્યારે વડોદરા જિલ્લામાં 4, જામનગર શહેર, અમદાવાદ અને મહેસાણા જિલ્લામાં 3-3 કેસ નોંધાયા છે. તો આણંદ, કચ્છ, નવસારી, સાબરકાંઠા, સુરત અને વલસાડ જિલ્લામાં 1-1 કેસ નોંધાયો છે. તો આજે 23 જિલ્લા અને 2 કોર્પોરેશન વિસ્તારમાં કોરોનાનો એક પણ નવો કેસ નોંધાયો નથી. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
