Face Of Nation 22-04-2022 : દિલ્હી કેપિટલ્સના કેમ્પમાં ફરી એકવાર મેચ પહેલા કોરોનાને કારણે સંકટ સામે આવી રહ્યું છે. મીડિયા રિપોર્ટ્સના આધારે ટીમના હેડ કોચ રિકી પોન્ટિંગના પરિવારમાંથી કોઈ સભ્યનો કોવિડ રિપોર્ટ પોઝિટિવ આવ્યો છે. વળી પોન્ટિંગ પણ આમની સાથે જ હોટેલમાં રહેતો હતો, તેથી આજની મેચમાં રિકી સ્ટેડિયમમાં હાજર નહીં રહે. IPLની 34મી મેચમાં આજે દિલ્હી કેપિટલ્સ અને રાજસ્થાન રોયલ્સ વચ્ચે મેચ રમાશે. જેમાં રાજસ્થાન એક માત્ર આ સિઝનની એવી ટીમ છે, જેણે 6 મેચમાં 5 વાર ટોસ હાર્યો છે છતા 4 મેચ જીતી છે. બીજી બાજુ દિલ્હીની વાત કરીએ તો કોરોના સંકટનો સામનો કરી રહેલી આ ટીમે પંજાબને 9 વિકેટથી હરાવી શાનદાર પ્રદર્શન દાખવ્યું હતું. દિલ્હીએ કુલ 6 મેચ રમી છે જેમાંથી 3માં જીત મેળવી છે.
દિલ્હી કેપિટલ્સ શાનદાર ફોર્મમાં
પંજાબ વિરૂદ્ધ આઉટડોર પ્રેક્ટિસ વિના મેદાનમાં ઉતરેલી દિલ્હીની ટીમે શાનદાર જીતની લય મેળવી લીધી હતી. દિલ્હીના બોલરે પંજાબની ટીમને માત્ર 115 રનમાં ઓલઆઉટ કરી દીધી હતી. ત્યારપછી વોર્નર અને પૃથ્વી શોની જોડીએ પાવરપ્લેમાં એવી શાનદાર બેટિંગ કરી કે ટીમ મેચને 10.3 ઓવરમાં જ જીતી ગઈ હતી. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
