Face Of Nation 28-05-2022 : એક્ટ્રેસ કંગના રનૌતની ‘ધાકડ’ની બોક્સ ઓફિસ પર ખરાબ હાલત છે. લગભગ 100 કરોડ રૂપિયાના બજેટમાં બનેલી આ ફિલ્મ 8 દિવસમાં માત્ર 5 કરોડ રૂપિયાની કમાણી કરી શકી. એટલું જ નહીં રિલીઝના 8મા દિવસે આખા દેશમાં ફિલ્મની માત્ર 20 ટિકિટ વેચાઈ છે, જેનાથી ‘ધાકડ’ની કમાણી માત્ર 4,420 રૂપિયા જ થઈ છે. ‘ધાકડ’ કંગનાના કરિયરની સૌથી મોટી ફ્લોપ ફિલ્મ બની ગઈ છે.
ફિલ્મને આખા ભારતમાં 2200 સ્ક્રીન્સ પર રિલીઝ
રિપોર્ટ્સ પ્રમાણે, ફિલ્મ ઓપનિંગ ડે પર જ બોક્સ ઓફિસ પર ફ્લોપ થઈ ગઈ હતી. પહેલા દિવસે ફિલ્મે માત્ર 75 લાખ રૂપિયાનો બિઝનેસ કર્યો હતો. ફિલ્મે પહેલા અઠવાડિયા એટલે કે 7 દિવસમાં માત્ર 2 કરોડનું કલેક્શન જ કર્યું હતું. રિલીઝથી લઈ અત્યાર સુધી ‘ધાકડ’ સિનેમાઘરોમાં ફ્લોપ સાબિત થઈ રહી છે. આ ફિલ્મને આખા ભારતમાં 2200 સ્ક્રીન્સ પર રિલીઝ કરવામાં આવી હતી.
અઠવાડિયામાં લગભગ 98.80% સિનેમાઘરોમાંથી હટાવી
સૂત્રોના પ્રમાણે, બીજા અઠવાડિયામાં ‘ધાકડ’ભારતમાં માત્ર 25 સિનેમાઘરોમાં જ ચાલી રહી છે. પહેલા અઠવાડિયાની સરખામણીમાં તેને બીજા અઠવાડિયામાં લગભગ 98.80% સિનેમાઘરોમાંથી હટાવી દેવામાં આવી છે. દિલ્હી સૌથી મોટું શહેર છે, જ્યાં 4 સિનેમાઘરોમાં ‘ધાકડ’ ચાલી રહી છે. તેમજ મુંબઈના એકપણ થિયેટરમાં ફિલ્મ નથી ચાલી રહી, કેમ કે પહેલા અઠવાડિયા પછી જ આ ફિલ્મને મુંબઈના તમામ થિયેટર્સમાંથી હટાવી દેવામાં આવી હતી. તેમજ ટિકિટ બુકિંગ એપ બુક માય શો પર ‘ધાકડ’ ‘નો વૉચ ઓપ્શન’ની સાથે બતાવવામાં આવી રહી છે. તેનો અર્થ એ છે કે મૂવી જોનારાઓ માટે બુક કરવા માટે કોઈ શો ઉપલબ્ધ નથી. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
