Face of Nation 09-02-2022 : ફેસ ઓફ નેશનનાં એડિટર અને વડોદરાના મહંત જ્યોર્તિનાથ મહારાજને ધમકી મળી છે. મહંત જ્યોર્તિનાથ મહારાજને ધમકી મળતા જ સંસ્કારી નગરી વડોદરામાં જ્યોર્તિનાથના અનુયાયી અને સમર્થકોમાં ચકચાર મચી જવા પામ્યો છે.
ગુજરાતનાં કોમી એખલાસમાં લેભાગુ તત્વો દ્રારા પલિતો ચાંપવાનો વધુ એક પ્રયાસ થયો છે. હિન્દુ સંત-મહંતને યેન-કેન પ્રકારે ધાક ધમકી આપી, હિંદુત્વ વિષે વધુ વાતો નહિ કરવાની ગર્ભિત ધમકી આપી છે.
સામે આવતી વિગતો મુજબ તારીખ 7 નાં રોજ બપોરના એક વાગ્યાનાં આસપાસ વડોદરાનાં તરસાલી તળાવ પાસે મહંત જ્યોર્તિનાથ મહારાજની કારને રસ્તામાં આંતરી ઊભી રખાવી ટૂ વહીલાર પર આવેલા બે શખ્સો દ્રારા કારનો કાચ ખટખટાવી, કાચ ખોલાવ્યો હતો. અને ત્યાર બાદ “હોશિયારી મત કરના, કુછ ભી હો સકતા હૈ” તેવું કહી આ શખ્સો ફરાર થઇ ગયા હતા. ઉલ્લેખનીય છે કે, ગુજરાત ATS ને તપાસ દરમિયાન મળેલી યાદીમાં જ્યોર્તિનાથ મહારાજનું નામ સામેલ હોવાની વાત પણ સામે આવી છે. જો કે, આ બાબતે મહંત જ્યોતિર્નાથ મહારાજે પોલીસ ફરિયાદ કરવાનું ટાળ્યું છે.
ધમકી બાબતે પોતાની સંતૌચિત્ત પ્રતિક્રીયા આપતા મહંત જ્યોર્તિનાથ મહારાજ દ્રારા જણાવવામાં આવ્યું હતું કે, આ કોઈ ધર્મનાં નહીં પણ કોઈ લેભાગું તત્વોનાં જ કારનામા હોઈ શકે. પોતાનાં હિન્દુત્વના વિચારોને લઇને ચાલનારા જ્યોર્તિનાથજીને આમ તો તમામ ધર્મના લોકો સાથે સારો સબંધ છે અને અનેક પ્રસંગોમાં વિધર્મનાં આગેવાનો જ્યોર્તિનાથજી પાસે બેજીજક જાય છે અને ચર્ચા પણ કરે છે. ધમકી વિશે વાત કરતા જ્યોર્તિનાથજીએ હળવા મુડમાં ઉમેર્યુ કે મને ધમકી મળ્યાનો ગર્વ છે કે મારા ધર્મ – સંપ્રદાય માટે હું જે કરી રહ્યો છું તે દિશા યોગ્ય છે, જો કે જ્યોર્તિનાથજી દ્વારા ગંભીરતાથી કહેવામાં આવ્યું કે આવા ધમકી આપનાર તત્વોને કોઈ ધર્મ હોતો નથી અને આવા તત્વો ફક્ત અને ફક્ત પોતાના સ્વાર્થ માટે સમાજને અને ધાર્મિક લોકોને ગેરમાર્ગે દોરે છે. મેં તો મારુ શ્રાદ્ધ કરી જ લીધુ છે આવી ધમકીથી મને કોઇ ફરક પડતો નથી.
(આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
