Face Of Nation, 24-09-2021: મોડાસાનો એક પોલીસકર્મી અજીબ રીતે ગાયબ થયા છે. રવિવારે ગુમ થયેલ પોલીસ કર્મી મામલે ફરિયાદ નોંધાઈ છે. મોડાસાના રવિરાજસિંહ ઝાલા રવિવારે ઘરેથી વડાપાઉ લેવા નીકળ્યા હતા, ત્યાંથી અચાનક ગાયબ થઈ ગયા છે.
પ્રાપ્ત માહિતી અનુસાર, મોડાસા ના મીઠાપુર પોલીસ સ્ટેશનમાં રવિરાજસિંહ ઝાલા નામના શખ્સ પોલીસ કોન્સ્ટેબલ તરીકે ફરજ બજાવે છે. તેમનો પરિવાર મોડાસાની જલારામ પાર્ક સોસાયટીમાં રહે છે. રવિરાજસિંહ ઝાલાના પત્નીએ પોલીસ સ્ટેશનમાં ફરિયાદ લખાવી કે, મારા પતિ રવિવારે ઘરથી નાસ્તો લેવા નીકળ્યા હતા. વડાપાઉ લેવા જઉ છું તેવુ કહીને તેઓ ઘરેથી નીકળ્યા હતા. તેના બાદ તેઓ ઘરે પરત ફર્યા નથી. મારા પતિ રવિરાજસિંહ અમને કહ્યું હતું કે હું સહયોગ ચોકડી ઉપરથી વડાપાઉ લઈને આવું છું. તેમ કહીને ચાલતા ઘરેથી નીકળ્યા હતા. અને ત્યારબાદ તેઓ સમય વધારે થઈ જતાં મેં ફોન કર્યું હતો.
ગાયબ થનાર પોલીસકર્મી રવિરાજસિંહ ઝાલા મીઠાપુર પોલીસ સ્ટેશનમાં ફરજ બજાવે છે. જેઓ રહસ્યમયી રીતે ઘરેથી ગુમ થયા છે. તેઓ છેલ્લા ત્રણ દિવસથી ગાયબ છે. તેઓ રવિવારે ઘરેથી નીકળ્યા બાદ ગાયબ થયા હતા. આખરે રવિરાજસિંહ ઝાલાનો રવિવાર બાદથી કોઈ અત્તોપત્તો નથી. તેમનો ફોન પણ સ્વીચ ઓફ આવે છે. તેમજ મિત્રો, સંબંધીઓ બધાને ત્યા શોધખોળ કર્યા બાદ પણ રવિરાજસિંહનો કોઈ અત્તોપત્તો લાગ્યો નથી.
રવિરાજસિંહ છેલ્લા 10 વર્ષથી પોલીસ ખાતામાં નોકરી કરે છે. તો તેમની પત્ની પણ પોલીસ કર્મચારી છે. ત્યારે આખરે એવુ તો શુ થયુ કે રવિરાજસિંહ ગાયબ થઈ ગયા અને તેમની કોઈ ભાળ મળી નથી. (આપની આસપાસ બનતી માહિતીના ફોટા કે વિડીયો અથવા આપની રજુઆત કે જેને તમે સમાચારમાં સ્થાન આપવા માંગતા હોવ તેને અમને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1. ફેસબુકમાં પણ faceofnation.news નામથી સર્ચ કરી લાઈક કરીને સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો)
