Face Of Nation 18-06-2022 : ખેડા જિલ્લામાં અકસ્માતોની વણથંભી અટકવાનું નામ નથી લઈ રહી આ વચ્ચે મહેમદાવાદ પાસેના અમદાવાદ વડોદરા હાઇવે પર અકસ્માત થતા ત્રણને કાળ ભરખી ગયો છે. જ્યારે અન્ય ત્રણ લોકો ઘાયલ થતા સારવાર અર્થે હોસ્પિટલમાં ખસેડાયા છે. ઈકો કારમાં છ વ્યક્તિઓ સવાર થઈ સુરતથી અમદાવાદ જઈ રહ્યા હતા. ત્યારે રોડની સાઇડમાં પાર્ક કરેલા આઇસર સાથે કાર ભટકાઇ હતી.
ત્રણના ઘટના સ્થળે જ મોત, ત્રણને ઈજા
મહેમદાવાદના સૂંઢા વણસોલ પાસેથી પસાર થતા અમદાવાદ વડોદરા એક્સપ્રેસ હાઈવે પર સુરતી પરિવારને અકસ્માત નડયો છે. એક જ પરિવારના તમામ લોકો કારમાં સવાર હતા. ત્યારે એક્સપ્રેસ હાઈવે પર અમદાવાદ તરફ નડિયાદથી 12 કિલોમીટર દૂર અકસ્માત થતા ત્રણ વ્યક્તિઓના ઘટના સ્થળે કમકમાટીભર્યા મોત નિપજ્યા છે. મૃતકોમાં એક બાળક અને બે પુરુષોનો સમાવેશ થાય છે. તો બીજીતરફ આ ઘટનામાં રોડની સાઇડમાં પાર્ક કરેલા ઉભેલા આઇસર સાથે પાછળથી કાર ઘૂસી જતા અકસ્માત સર્જાયો હતો. એક બાળક અને બે પુરુષોના મોત થયા છે. જ્યારે અન્ય ત્રણ વ્યક્તિ ઇજાગ્રસ્ત વ્યક્તિઓને નડિયાદ સિવિલ હોસ્પિટલ ખાતે સારવાર હેઠળ ખસેડાયા છે. પોલીસે ઘટના સ્થળે પહોંચીને આગળની તપાસ હાથ ધરી છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
