Face Of Nation 25-04-2022 : રાજકોટમાં આજે ભાજપ પ્રદેશ પ્રમુખ સી.આર.પાટીલની હાજરીમાં રાજકોટ બિલ્ડર્સ એસોસિએશનની વાર્ષિક સામાન્ય સભા મળી હતી. જ્યાં પાટીલે આગામી વિધાનસભાની ચૂંટણી અંગે સ્પષ્ટતા કરતા જણાવ્યું હતું કે,ગુજરાતમાં વહેલી ચૂંટણી નહીં યોજાય. આ સભામાં સી.આર.પાટીલને તેમના ફોટા વાળું રેતીથી દોરેલ ચિત્ર ભેટમાં આપવામાં આવ્યું હતું. જેના પ્રત્યુત્તર સ્વરૂપે પાટીલે હસતા હસતા કહ્યું હતું કે,આ ભેટનો સ્વીકાર કરી આશા રાખું છું કે આવતી ડિસેમ્બર 2022માં આપ સૌ જીત અપાવી ગુજરાત અમને સોંપશો.
ગુજરાત તેમજ સમગ્ર દેશને મજબૂત બનશે : પાટિલ
વધુમાં તેમણે જણાવ્યું હતું કે, ભારતીય જનતા પાર્ટી આપ સૌની સાથે છે કેન્દ્રમાં પ્રધાનમંત્રી નરેન્દ્ર મોદીની સરકાર દ્વારા બિલ્ડર્સ એસોશિએશન માટે અલગ-અલગ નિયમો અને યોજનાઓ બનાવવામાં આવે છે અને તેના માટે સરકાર કટિબદ્ધ છે. કોઈપણ વ્યક્તિને પોતાના બિઝનેસમાં પરિસ્થિતીના કારણે મુશ્કેલી સર્જાય ત્યારે સરકારની પ્રાથમિક ફરજ બને છે કે તેમના નિયમોમાં બાંધછોડ કરવી જોઈએ અને જો આમ થશે તો જ રોજગારીની નવી તકો ઊભી થશે અને ગુજરાત તેમજ સમગ્ર દેશને મજબૂત બનશે. મને વિશ્વાસ છે કે, આ ગુજરાત મને આપ્યું છે તો સાથે મળીને સંપૂર્ણ બહુમતીથી જીતીશું. અમે પ્રામાણિક પ્રયત્ન કરીશું એવું અમે કહેતા નથી અમે પરિણામ સુધી પહોંચીશું એવો આપ સૌને વિશ્વાસ અપાવું છું તેવું સી.આર.પાટીલ અંતમાં જણાવ્યુ હતું. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
