Face of Nation 01-12-2021: સુરત અને ભરૂચ LRD અને PSIની ભરતી માટે શારીરિક કસોટીને લઇને મહત્વના સમાચાર સામે આવ્યા છે. રાજ્યમાં આગામી દિવસોમાં ખુબ મોટા પ્રમાણમાં પોલીસ વિભાગમાં ભરતીઓ થવા જઈ રહી છે. તે માટે યુવાનો પણ રાત-દિવસ એક કરીને તૈયારી કરી રહ્યા છે. ત્યારે સુરત અને ભરૂચમાં LRD અને PSIની શારીરિક કસોટીને લઇને મહત્વના સમાચાર સામે આવ્યા છે. કમોસમી વરસાદને કારણે સુરત અને ભરૂચમાં 3 ડિસેમ્બર અને 4 ડિસેમ્બરે યોજાનારી પરીક્ષા મોકૂફ રાખવામાં આવી છે. ઉમેદવારોની શારીરિક પરીક્ષા માટે નવી તારીખો જાહેર થશે.
આ અંગે લોક રક્ષક દળ ભરતી બોર્ડના પ્રમુખ આઈપીએસ હસમુખ પટેલે આ અંગે માહિતી આપી હતી. તેમણે કહ્યું કે, ‘કમોસમી વરસાદના કારણે પોલીસ હેડ કવાર્ટર, ભરૂચ તથા SRPF ગૃપ-૧૧, વાવ-સુરત ખાતે પો.સ.ઇ. / લોકરક્ષકની તા.૦૩/૧૨/૨૦૨૧ અને તા.૦૪/૧૨/૨૦૨૧ ના રોજ લેવાનાર શારિરીક કસોટી મોકુફ રાખવામાં આવેલ છે. ઉમેદવારોને શારિરીક કસોટીની નવી તારીખ હવે પછી જણાવવામાં આવશે.
કમોસમી વરસાદના કારણે પોલીસ હેડ કવાર્ટર, ભરૂચ તથા SRPF ગૃપ-૧૧, વાવ-સુરત ખાતે પો.સ.ઇ. / લોકરક્ષકની તા.૦૩/૧૨/૨૦૨૧ અને તા.૦૪/૧૨/૨૦૨૧ ના રોજ લેવાનાર શારિરીક કસોટી મોકુફ રાખવામાં આવેલ છે. ઉમેદવારોને શારિરીક કસોટીની નવી તારીખ હવે પછી જણાવવામાં આવશે.#LRD_ભરતી
— Hasmukh Patel (@Hasmukhpatelips) December 1, 2021
દક્ષિણ ગુજરાતમાં બુધવારે વાતાવરણમાં પલટો સર્જાયો હતો. સુરત અને ભરૂચ સહિત દક્ષિણ ગુજરાતના વિસ્તારોમાં કમોસમી વરસાદ પડ્યો હતો. સુરત શહેરમાં મોડી રાતથી કમોસમી વરસાદ પડી રહ્યો છે. રાંદેર, અડાજણ, ઉધના, વરાછા સહિત વિસ્તારમાં કમોસમી વરસાદ પડ્યો છે. જ્યારે, ભરૂચ શહેર અને જિલ્લાના વાતાવરણમાં પલટો જોવા મળ્યો છે. ભરૂચના અંકલેશ્વર, નેત્રંગ, દહેજમાં ધીમીધારે વરસાદ પડ્યો હતો. (આપની આસપાસ બનતી માહિતીના ફોટા કે વિડીયો અથવા આપની રજુઆત કે જેને તમે સમાચારમાં સ્થાન આપવા માંગતા હોવ તેને અમને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1. ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો)
