Face Of Nation 28-10-2022 : ભાજપમાં પ્રવેશ મેળવ્યા બાદ કોંગ્રેસી નેતા અને બની બેઠેલા પાટીદાર નેતા હાર્દિક પટેલે ભાજપમાં જ તેમની આપખુદ્શાહીના અનેક પરચા દેખાડી દીધા છે. ભાજપમાં પ્રવેશ મેળવ્યા બાદ પણ આજદિન સુધી આ કહેવાતા નેતાએ ભાજપનો ખેસ કોઈ પણ જાહેર કાર્યક્રમમાં પહેર્યો નથી. હાર્દિક પટેલે તેની સોશિયલ સાઇટ્સ ઉપર મુકેલા ફોટાઓ આ વાતની સાક્ષી પુરે છે. આજદિન સુધી સરકારી કે ભાજપના કોઈ પણ કાર્યક્રમમાં હાર્દિક પટેલે ભાજપનો ખેસ પહેર્યો નથી.
પાટીદાર અનામત આંદોલનથી લઈને કોંગ્રેસમાં પ્રવેશ મેળવીને પોતાની બાળ બુદ્ધિનું પ્રદર્શન કરનારા આ પાટીદાર નેતાને ભાજપમાં પ્રવેશ મેળવવાની ઘેલછા હતી જે પૂરી થયા બાદ હવે ભાજપ જાણે કે તેનો પોતાનો પક્ષ હોય અને પક્ષનો સર્વ કર્તાહર્તા તે પોતે હોય તેવી શેખી રાખીને રીતસર ભાજપના જ કાર્યક્રમમાં ભાજપના ખેસનો જાણે કે બહિષ્કાર કરી રહ્યો છે. ભાજપના નેતાને હાઇકમાન્ડના કોઈ નેતા કે કોઈ પદાધિકારીઓ ટોકવાની હિંમત પણ કરી શકતા નથી કેમ કે તેઓને પણ આ નેતાની ભાજપ એન્ટ્રીથી નારાજગી છે, પરંતુ દિલ્હીના નેતાઓની સહમતીથી જયારે હાર્દિક પટેલે એન્ટ્રી મારી છે એટલે તેની આગળ કોઈ વિરોધ કરી શકતા નથી. ભાજપ હાર્દિકને ચૂંટણી લડાવશે નહીં કે હાઇકમાન્ડ તેને ટિકિટ પણ આપવાનું નથી. હાર્દિકના કેટલાક કહેવાતા સમર્થકો એવી વાતો ઉડાડી રહ્યા છે કે, ભાજપ હાર્દિકને ચૂંટણી લડાવશે પરંતુ આ વાતમાં કોઈ તથ્ય નથી. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
Exclusive : BAPS મહોત્સવ અને ગુજરાતની ચૂંટણી બંને ડિસેમ્બરમાં યોજાશે !, તમામ તૈયારીઓ શરૂ
