Face Of Nation : ચાંદલોડિયા ચાર રસ્તા પર એક તરફી પ્રેમમાં છોકરાએ છોકરીના ગળાના ભાગે છરીના ઘા મારીને જીવલેણ હુમલો કર્યો હતો. આ હુમલા બાદ આરોપી યુવક રિક્ષામાં બેસીને ભાગવા જતો હતો ત્યારે લોકોના ટોળાએ તેને પકડીને બરાબર માર્યો હતો. જો કે આ જ અરસામાં નજીમાંથી પસાર થઈ રહેલા પોલીસ કોન્સ્ટેબલોએ તેને પકડીને સોલા પોલીસ સ્ટેશન લઈ ગયા હતા, જ્યાં તેની વધુ પૂછપરછ કરવામાં આવી રહી છે. ઘાયલ થયેલી યુવતીને તાત્કાલિક નજીકની સોલા સિવિલ હોસ્પિટલમાં ઓપરેશન દાખલ કરવામાં આવી હતી. હાલ આ યુવતી સારવાર હેઠળ છે. આરોપી યુવકનું નામ મિહિર છે અને હાલ સોલા પોલીસ દ્વારા તેની સઘન પૂછપરછ ચાલી રહી છે.
