Face Of Nation 06-05-2022 : સુરતમાં કામરેજના પાસોદરામાં ગ્રીષ્મા વેકરિયાની હત્યા કરનારા ફેનિલ ગોયાણીને કોર્ટે આકરી સજા ફટકારતા ફાંસીની સજા સંભળાવી હતી. બાદમાં હત્યારા ફેનિલને લાજપોર જેલ લઈ જવામાં આવ્યો હતો. જ્યાં ફેનિલને કાચા કામના કેદીની જગ્યાએ સજા મળતાં પાક્કા કામના કેદી તરિકેનો નંબર ફાળવવામાં આવ્યો હતો. ફેનિલને લાજપોર જેલમાંથી કેદી નંબર 2231 ફાળવવામાં આવ્યો છે. સાથે જ કેદીના કપડા પણ આપવામાં આવ્યાં છે. ફાંસીની સજા બાદ પણ ફેનિલને કોઈ રંજ ન હોય તેમ જેલમાં તેણે સાંજનું ભોજન લીધું હતું. ફેનિલને હવે ફાંસીના માચડે લટકાવવામાં ન આવે ત્યાં સુધી લાજપોર જેલમાં રાખવામાં આવશે તેમ પણ જાણવા મળ્યું છે.
ફેનિલની ઓળખ હવે નંબરથી થશે
ગ્રીષ્માની નિર્મમ પણે હત્યા કરનારા ફેનિલને હવે કોર્ટે ફાંસીની સજા આપી હોવાથી લાજપોર જેલમાં તે પાક્કા કામનો કેદી બની ગયો છે. કેદી તરિકે જેલ દ્વારા દરેકને એક નંબર આપવામાં આવતો હોય છે. જે મુજબ ફેનિલને પણ નંબર આપી દેવામાં આવ્યો છે. જેથી ગ્રીષ્માનો હત્યારો ફેનિલ ગોયાણી હવે 2231 નંબરથી ઓળખાશે. જ્યાં સુધી ફાંસીના માચડે ફેનિલને લટકાવી દેવામાં ન આવે ત્યાં સુધી લાજપોર જેલમાં રાખવામાં આવશે.
સજાનો રંજ ન હોય તેમ ભોજન લીધું
લાજપોર જેલના સુત્રોએ જણાવ્યું હતું કે, કોર્ટમાંથી ફાંસીની સજા સાંભળીને આવેલો ફેનિલ ગોયાણી થોડીવાર માટે થોડો નર્વસ દેખાયો હતો. જો કે, મોડી સાંજે જેલના રૂટિન શિડ્યુલ પ્રમાણે તેને ભોજન અપાયું હતું. ભોજનમાં ફેનિલને દાળ,ભાત,શાક, રોટલી સહિતનું મેનું આપવામાં આવ્યું હતું. જે તેણે ખાઈ લીધું હતું. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
