Face Of Nation 01-04-2022 : કતારમાં આ વર્ષે નવેમ્બર 2022થી ફુટબોલનો વર્લ્ડ કપ રમાશે, જેના માટે ઓફિશિયલ બોલ પણ જાહેર થઈ ગયો છે. તમને જણાવી દઈએ કે આનું નામ ‘અલ રિહલા’ રાખવામાં આવ્યું છે. આનો અર્થ ‘એક યાત્રા’ થાય છે. તેવામાં એડિડાસે એવો દાવો કર્યો છે કે આ બોલ અત્યારસુધીનો સૌથી ફાસ્ટેસ્ટે બોલ હશે.
‘અલ રિહલા’ બોલની ખાસિયતો
એડિડાસે વર્લ્ડ કપ માટે આ ખાસ બોલ બનાવ્યો છે. જેને બનાવ્યા પછી એવો દાવો કરવામાં આવ્યો છે કે આ હવામાં સૌથી વધુ ઝડપથી પાસ થઈ શકે છે. આનું નિર્માણ પાણી આધારિત સ્યાહી અને ગુંદરથી કરવામાં આવ્યું છે. તો બીજી બાજુ કંપનીએ એવું પણ કહ્યું છે કે આ એક પર્યાવરણને અનુકુળ બોલ રહેશે.
કતારમાં વર્લ્ડ કપનો ડ્રો ક્યારે યોજાશે?
વર્લ્ડ કપ 2022ના ગ્રુપ સ્ટેજ માટેનો ડ્રો આવતીકાલે (1 એપ્રિલ)ના દિવસે ભારતીય સમયાનુસાર રાત્રે 9:30 વાગ્યે યોજાશે. આ ડ્રો કતારના દોહા એક્ઝિબિશન એન્ડ કન્વેન્શન સેન્ટર ખાતે યોજાશે. જેમાં ચાર ટીમોને 8 ગ્રુપમાં સામેલ કરવામાં આવશે.
વર્લ્ડ કપની વિગતવાર માહિતી
આ વર્ષના અંતમાં કતારમાં આયોજિત ફુટબોલ વર્લ્ડ કપની તૈયારીઓ તેના અંતિમ તબક્કામાં પહોંચી ગઈ છે. આ ટૂર્નામેન્ટમાં 32 ટીમો ભાગ લેશે જેમાંથી અત્યાર સુધીમાં 27 દેશોએ તેમના સ્થાનની પુષ્ટિ કરી લીધી છે. જ્યારે પાંચ ટીમો આ સ્થાન મેળવવાની રેસમાં છે. તમને જણાવી દઈએ કે વર્લ્ડ કપ પહેલા ડ્રો ચાલુ રહેશે અને ડ્રો પછી જ જાણ થશે કે કઈ ટીમો કયા ગ્રુપમાં છે. વળી કોણ કોની સાથે સ્પર્ધા કરી શકે છે અને પ્રી-ક્વાર્ટરમાં અને ક્વાર્ટર ફાઇનલમાં કઈ ટીમો સામસામે આવી શકે છે.
ભારતમાં વર્લ્ડ કપનો ડ્રો કેવી રીતે જોઈ શકાશે?
વાયકોમ 18 ભારતમાં વર્લ્ડ કપના અધિકારોની માલિકી ધરાવે છે. આ ડ્રોને Voot Select એપ પર પણ લાઈવ જોઈ શકાશે. આના સિવાય FIFA તેને તેની યુટ્યુબ ચેનલ, ઓફિશિયલ વેબસાઈટ અને સોશિયલ મીડિયા એકાઉન્ટ્સ પર પણ લાઈવ બતાવશે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
