Face Of Nation 17-04-2022 : બનાસકાંઠા જિલ્લામાંથી પસાર થતી નર્મદા કેનાલમાં વધુ એક આત્મહત્યાની ઘટના બની છે. આજે થરાદ પાસેથી પસાર થતી કેનાલમાં એક દંપતીએ બે બાળકીઓ સાથે કોઈ કારણોસર કેનાલમાં ઝંપલાવતા ચારે’યના મૃતદેહ મળી આવ્યા હતા. પોલીસ દ્વારા મૃતદેહને પીએમ માટે ખસેડી વધુ તપાસ હાથ ધરી છે. બીજીતરફ થરાદ પાસેથી પસાર થતી નર્મદાની મુખ્ય કેનાલમાં ચાર લોકોએ ઝંપલાવ્યું હોવાની એક વ્યકિત દ્વારા તંત્રને જાણ કરવામાં આવી હતી. જેથી થરાદ ફાયર વિભાગ અને સ્થાનિક તરવૈયાઓની મદદથી કેનાલમાં શોધખોળ શરૂ કરવામાં આવી હતી. કલાકોની શોધખોળ બાદ કેનાલમાંથી દંપતી અને તેની બે બાળકીઓ સહિત ચાર મૃતદેહ બહાર કાઢવામાં સફળતા મળી હતી.
આજે કેનાલમાં ડૂબતાં કુલ 6 લોકોના મોત
બનાસકાંઠા જિલ્લામાં આજે કેનાલમાં ડૂબી જતા કુલ 6 લોકોના મોત થયા છે. એક જ પરિવારના ચાર લોકોના મોત ઉપરાંત સવારે થરાદની એઢાટા કેનાલમાં નાહવા પડેલા ત્રણ બાળકોમાંથી બે બાળકોના પણ ડૂબી જતા મોત નિપજ્યા હતા. જ્યારે એક બાળકને સ્થાનિક દ્વારા બચાવી લેવામાં આવ્યો હતો. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
