Face Of Nation 19-06-2022 : અમદાવાદના નિકોલ વિસ્તારમાં કઠવાડા રોડ ઉપર ઈશ્વર દાદાજીની વાડી પાસે આવેલા ગેસના બાટલાના ગોડાઉનમાં ભીષણ આગ લાગી હતી. ફાયરબ્રિગેડની 7 ગાડીઓ ઘટના સ્થળે રવાના કરવામાં આવી હતી. એલપીજી ગેસના બાટલા હોવાથી આગ ખૂબ જ ફેલાઇ હતી. એક બાદ એક ગેસના બાટલા ફાટતાં લોકોમાં ડરનો માહોલ ફેલાયો હતો. તો બીજીતરફ ફાયર બ્રિગેડની ટીમ દ્વારા પાણીનો મારો ચલાવી અને આગને કાબૂમાં લેવામાં આવી હતી. આગ કારણોસર લાગી હજી સુધી જાણવા મળ્યું નથી. ઘટનાને પગલે પોલીસ પણ તાત્કાલિક ઘટનાસ્થળે પહોંચી હતી. આગ હાલમાં કાબૂમાં આવી ગઇ છે. હાલમાં ગોડાઉનના માલિકને પોલીસ સ્ટેશન લઈ જાય અને પૂછપરછ શરૂ કરી છે.
આકસ્મિક કારણોસર આગ ફાટી નીકળી હોવાનું અનુમાન
નિકોલ વિસ્તારમાં આવેલું આ ગોડાઉન રાકેશસિંહ બિહોલા નામના વ્યક્તિની માલિકીનું હતું. સંજય પટેલ નામના વ્યક્તિને ગોડાઉન ભાડે આપવામાં આવ્યું હતુ. કાચું પતરાવાળા મકાનમાં એલપીજી ગેસ સિલિન્ડર રાખવામાં આવ્યા હતા અને કોઇ આકસ્મિક કારણોસર આગ લાગી હોવાનું જાણવા મળ્યું છે. હાલમાં પોલીસ અને ફાયરબ્રિગેડ દ્વારા આ સમગ્ર મામલે તપાસ કરવામાં આવી રહી છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
