Face Of Nation : ગોતા વોર્ડના મહિલા કોર્પોરેટર જ્યોત્સનાબેન પટેલ તેમના મતવિસ્તારમાં નીકળ્યા હતા. ફાયર વિભાગની ટીમ સાથે નીકળેલા આ કોર્પોરેટરે સોલા-સાયન્સસીટી વિસ્તારને સૅનેટાઇઝ કર્યો હતો. સોલા-સાયન્સસિટીની તમામ સોસાયટી બહાર અને મુખ્ય રસ્તાઓ ઉપર આ કામગીરી કરવામાં આવી હતી. આ કોર્પોરેટર દ્વારા અનાજ-કરીયાણાની કીટનું પણ ગરીબોમાં વિતરણ કરવામાં આવી રહ્યું છે. નોંધનીય છે કે, કોરોનાને લઈને સરકારે લોકડાઉનની જાહેરાત કરી છે અને આ જાહેરાતનું સોલા-સાયન્સસીટી વિસ્તારમાં જબરદસ્ત લોકો સ્વેચ્છાએ પાલન કરી રહ્યા છે. બીજા વિસ્તારોની માફક આ વિસ્તારમાં પોલીસને હજુ સુધી લાઠી કે બળપ્રયોગ કરવાની જરૂર પડી નથી. જો કે સાઈબાબા મંદિર નજીક આવેલી સ્કાયલાર્ક રેસિડન્સીના ગેટ પાસે ટોળું વળીને ઉભા રહેલા પાંચ વ્યક્તિઓની ધરપકડ કરીને પોલીસે ગુનો નોંધી કાયદેસરની કાર્યવાહી હાથ ધરી હતી.
