Face Of Nation 19-06-2022 : રાજ્યમાં કોરોનાના કેસમાં ફરીથી વધારો થઈ રહ્યો છે. સતત 4 દિવસથી રાજ્યમાં 200થી વધુ નવા કેસ નોંધાઈ રહ્યા છે. છેલ્લા 24 કલાકમાં કોરોનાના 244 નવા કેસ નોંધાયા છે. જ્યારે 131 દર્દી સાજા થયા છે. રાજ્યમાં કોરોનાનો રિક્વરી રેટ 99.00 ટકા પર સ્થિર રહ્યો છે. હાલમાં 1374 એક્ટિવ કેસ છે. તો સતત ચોથા દિવસ રાજ્યમાં શૂન્ય મોત નોઁધાયું છે. તો બીજીતરફ રાજ્યમાં અત્યાર સુધીમાં 12 લાખ 27 હજાર 643ના રિપોર્ટ પોઝિટિવ આવ્યા છે, જ્યારે મૃત્યુઆંક 10 હજાર 946 રહ્યો છે. તેમજ અત્યાર સુધીમાં 12 લાખ 15 હજાર 323 દર્દી ડિસ્ચાર્જ થયા છે. રાજ્યમાં હાલ 1374 એક્ટિવ કેસ છે, 5 દર્દી વેન્ટિલેટર પર છે અને 1369 દર્દીઓની હાલત સ્થિર છે
સતત 4 દિવસથી ગુજરાતમાં 200થી વધુ નવા કેસ
16મી જૂને 110 દિવસ બાદ 200નો આંકડો પાર થયો હતો અને 228 કેસ નોંધાયા હતા. ત્યારબાદ 17 જૂને 225 અને આજે 18 જૂને 234 નવા કેસ નોધાયા છે. અગાઉ 26 ફેબ્રુઆરીએ ત્રીજી લહેરના અંતમાં 230 કેસ હતાં. રાજ્યમાં હાલ 18 જિલ્લા અને 1 કોર્પોરેશન વિસ્તારમાં નવા કેસ શૂન્ય રહ્યા છે. તો બીજીતરફ અમદાવાદ શહેરમાં સૌથી વધુ 120 કેસ, સુરત શહેરમાં 38, વડોદરા શહેરમાં 34, ભાવનગર શહેરમાં 12, વલસાડમાં 7 કેસ નોંધાયા છે. જ્યારે ભરૂચ, ગાંધીનગરમાં 6 અને જામનગરમાં 4 કેસ નોંધાયા છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
