Face Of Nation 18-05-2022 : પાટીદાર અનામત આંદોલનથી ઊભરેલા હાર્દિક પટેલે માત્ર 1161 દિવસમાં જ કોંગ્રેસનો હાથ છોડી દીધો છે. હાર્દિક પટેલે કાર્યકારી પ્રમુખ સહિતના તમામ હોદ્દાઓ પરથી રાજીનામું ધરી દીધું છે. જોકે રાજીનામું આપવા સમયે તેની પંજાબના ચંદીગઢમાં હાજરી હતી અને આ હાજરી ઘણી સૂચક માનવામાં આવે છે. બીજીતરફ લોકમુખે જાણવા મળ્યું છે કે, હાર્દિક પટેલે પ્રશાંત કિશોર અથવા પંજાબ નવા મુખ્યમંત્રી માન સાથે ગુપ્ત મીટિંગ કરીને રાજનીતિમાં નવાજૂની ના એંધાણ આપી શકે છે. હાર્દિક પ્રશાંત કિશોર સાથે નવા પક્ષમાં પણ જોડઈ શકે છે અથવા આપમાં જોડાઈ શકે છે, જે તેણે નક્કી કરવાનું છે? હાર્દિકે રાજીનામું આપતાં પહેલાં રાહુલ ગાંધીને મળવા માટે સમય માગ્યો હતો, પરંતુ રાહુલ ગાંધીને મળવાનો સમય ન મળતાં રાજીનામું ધરી દીધું હતું. હાર્દિક પટેલ આવતીકાલે દિલ્હીમાં છે, જ્યાં તેમનું રાજકીય ભવિષ્ય નક્કી થઈ શકે છે.
નવા પક્ષના સાથની ગોઠવણ કરવા ચંદીગઢ હતા
કૉંગ્રેસ સાથેના વધતા જતા સતત અંતરની સાથે વિધાનસભા ચૂંટણી પહેલાં નવા પક્ષના સાથની ગોઠવણ કરવા માટે હાર્દિક પટેલ પંજાબના ચંદીગઢ ખાતે ગયા હતા, જ્યાંથી આજે સવારે જ કૉંગ્રેસમાંથી રાજીનામું આપી ધડાકો કર્યો હતો. આમ, પંજાબમાં બેસીને હાર્દિકે અચાનક જ રાજીનામું આપી દેતાં અનેક અટકળો શરૂ થઈ ગઈ છે. એટલું જ નહીં, હાર્દિક પટેલ આવતીકાલે દિલ્હી જવાના છે, જ્યાં તેઓ આપ કે ભાજપના નેતાઓને મળીને નવો રાજકીય રાહ નક્કી કરે એવી સંભાવના છે.
રાહુલ ગાંધીને મળવા ખૂબ પ્રયાસો કર્યા
ગુજરાત કોંગ્રેસથી નારાજ યુવા નેતા અને કોંગ્રેસના કાર્યકારી પ્રદેશ પ્રમુખ હાર્દિક પટેલે સમાધાન માટે સતત પ્રયત્નો કર્યા હતા, એમાં પણ તેમની નારાજગી મામલે રાહુલ ગાંધીને મળવા માટે પણ પ્રયાસ કર્યો હતો, પરંતુ રાહુલ ગાંધીએ હાર્દિકને મળવાનો સમય તો ઠીક, ગુજરાત આવ્યા ત્યારે તેમણે હાર્દિકથી અંતર રાખવાનું શરૂ કરી દીધું હતું. એની સાથે સાથે કૉંગ્રેસની ચિંતન શિબિરમાં પણ હાર્દિક પટેલની સૂચક ગેરહાજરીની ગંભીર નોંધ કૉંગ્રેસ હાઇકમાન્ડે લીધી હતી. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
