Face Of Nation 26-05-2022 : દિલ્હીના નવા LG વિનય કુમાર સક્સેનાના શપથ ગ્રહણ સમારોહમાં એક ના થવાની ઘટના થઈ હતી. સમારોહમાં બેસવાની જગ્યા ના મળતા નારાજ બીજેપી સાંસદ અને પૂર્વ કેન્દ્રીય મંત્રી ડૉ. હર્ષવર્ધન સમારોહ છોડીને જતા રહ્યા હતા. શપથ ગ્રહણમાં અરવિંદ કેજરીવાલ પણ હાજર હતા.
હર્ષવર્ધનની નારાજગી શબ્દોમાં
ઉપરાજ્યપાલના શપથગ્રહણ પહેલા જ ગુસ્સેથી જતા હર્ષવર્ધને કહ્યું, સંસદ સભ્યો માટે તેમણે સીટો નહતી રાખી. એટલું કહીને હર્ષવર્ધન તેમની ગાડી તરફ આગળ વધી ગયા હતા. તેમણે દિલ્હીના મુખ્ય સચિવ નરેશ કુમારને કહ્યું, હું ઉપરાજ્યપાલ વિનય સક્સેનાને આ વિશે વાત કરીશ. પૂર્વ કેન્દ્રીય મંત્રીને જ્યાં બેસાડવામાં આવ્યા હતા તેનાથી તેઓ ખુશ નહતા. તો બીજીતરફ શપથ લીધા પછી દિલ્હીના નવા ઉપરાજ્યપાલ વિનયે કહ્યું છે કે, દિલ્હીના લોકોને કહેવા માંગુ છું કે, હું લોકલ ગાર્ડિયન તરીકે કામ કરીશ, લેફ્ટિનેન્ટ ગર્વનર તરીકે નહીં. હું રાજભવન કરતા વધારે રસ્તાઓ પર જોવા મળીશ. નોંધનીય છે કે, સક્સેના ઓક્ટોબર 2015થી ખાદી અને ગ્રામઉદ્યોગ કમિશનના ચેરમેન હતા.
પૂર્વ ઉપરાજ્યપાલે અંગત કારણોસર રાજીનામું આપ્યું
અનિલ બૈજલે ગયા સપ્તાહે પદ પરથી રાજીનામું આપી દીધા પછી 23મી મેના રોજ ખાદી અને ગ્રામઉદ્યોગ કમિશનના ચેરમેન રહેલા વિનય સક્સેનાની આ પદ માટે નિમણૂક કરવામાં આવી છે. બૈજલ 5 વર્ષ અને 4 મહિના સુધી દિલ્હીના ઉપરાજ્યપાલ રહ્યા હતા. પરંતુ તેમણે તેમના અંગત કારણોસર આ પદ પરથી રાજીનામું આપ્યું છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
