Face Of Nation, 04-05-2021 : ગુજરાતના અનેક કલાકારો, ધાર્મિક ગુરુઓ એવા છે કે જેમના પ્રશંશકો, અનુયાયીઓ વિશાળ પ્રમાણમાં છે. આવા સુપ્રસિદ્ધ લોકો દેશ વિદેશમાં સારી નામના ધરાવતા હોય છે એટલે જ તેમના સોશિયલ સાઇટ્સ જેમ કે, ફેસબુક, ટ્વીટર ઉપર લોકો મોટી માત્રામાં તેમને ફોલો કરતા હોય છે. આ તમામ લોકો જો આપત્તિના સમયે પણ જરૂરિયાતમંદો સુધી મદદ પહોંચાડવા તેમના સોશિયલ સાઇટ્સનો ઉપયોગ કરે તો પણ અનેક લોકોના જીવ બચી જાય અથવા અનેક જરૂરિયાતમંદ સુધી મદદનો હાથ લાંબો થઇ જાય.
જો કોઈ દર્દી ને #oxygen ની જરૂરીયાત હોય કે પછી #plasma ની જરૂરીયાત હોય , તો અમારા સુધી માહિતી પહોંચાડજો . જલ્દી થી જલ્દી તેઓ ને મદદ મળી રહે તેવો પ્રયાસ કરીશું .
માહિતી માં નામ , નંબર અને લોકેશન જણાવવું 🙏🏻
#COVID19 #GujaratCoronaUpdate #GujaratCovidSupport— Santvani Trivedi (@SantvaniMusic) May 3, 2021
ગુજરાતની એક સુપ્રસિદ્ધ મહિલા કલાકાર સાંત્વની ત્રિવેદીએ આવી જ એક સુંદર પહેલ કરી છે. ત્રિવેદીએ તેના ટ્વીટર એકાઉન્ટ મારફતે જરૂરિયાતમંદ લોકોને મદદ પહોંચી રહે તેવા તમામ પ્રયાસો હાથ ધર્યા છે. આ માટે મદદ ઇચ્છતા વ્યક્તિએ સાંત્વનુંને મેસેજ કરે છે જે મેસેજ સાંત્વની પોતાનો સોશિયલ સાઇટ્સ ઉપર મૂકી તેમના ફેન્સ ફોલોવર્સને મદદ કરવા વિનંતી કરે છે. આ પ્રકારના મેસેજથી મદદ ઇચ્છતા વ્યક્તિને તુરંત નજીકમાંથી મદદ મળી જાય છે.
કોરોનાને કારણે ગુજરાતના ખૂણે ખૂણે લોકો મદદ ઈચ્છી રહ્યા છે. સમયસર સારવાર ન મળવાને કારણે લોકો જીવ ગુમાવી રહ્યા છે. બીજી બાજુ ધર્મગુરુઓ અને સુપ્રસિદ્ધ કલાકારો કે જેમના સમર્થકો મોટી સંખ્યામાં છે તેવા લોકો પણ હાલ ઘરે સમય પસાર કરી રહ્યા છે. આવા કલાકારોએ સમયનો સદુપયોગ તેમના સોશિયલ એકાઉન્ટ થકી કરીને લોકોની મદદ માટે આગળ આવવું ખુબ જ જરૂરી બની જાય છે. જે પ્રજાએ આવા કલાકારોને જન્મ આપ્યો હોય તે કલાકારો માટે એ પ્રાથમિકતા બની જાય છે કે તેમને પ્રેમ આપનારા લોકોને કેમ કરીને તેઓ મદદ કરી શકે. (આપની આસપાસ બનતી માહિતીના ફોટા કે વિડીયો અથવા આપની રજુઆત કે જેને તમે સમાચારમાં સ્થાન આપવા માંગતા હોવ તેને અમને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1. ફેસબુકમાં પણ faceofnation.news નામથી સર્ચ કરી લાઈક કરીને સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો)
