હૈદરાબાદમાં મુસ્લિમ યુવતી સાથે લગ્ન કરવા પર હિન્દુ યુવકની કરી ક્રુર હત્યા, સાળાએ જાહેર રસ્તા પર સળીયાથી માર મારી છરી ઘોંસી મોતને ઘાટ ઉતાર્યો!

Face Of Nation 06-05-2022 : હૈદરાબાદમાં એક મુસ્લિમ યુવતી સાથે લગ્ન કર્યા બાદ એક હિન્દુ યુવકની હત્યાનો મામલો સામે આવ્યો છે. ઘટના હૈદરાબાદના સરુરનગરની છે, જ્યાં નાગરાજૂ નામના યુવકને તેના જ સાળાએ રસ્તા વચ્ચે છરી મારીને મોતને ઘાટ ઉતારી દીધો. પોલીસે બે આરોપીઓની ધરપકડ કરી છે. આ ઘટના બની ત્યારે નાગરાજૂ પોતાની પત્ની અશ્નીન સુલ્તાના સાથે બાઈક પર સરુરનગર તરફ જઈ રહ્યો હતો. ત્યારે રસ્તા વચ્ચે બે લોકોએ તેના પર ચપ્પા વડે હુમલો કરી દીધો. નાગરાજૂના પરિવારે સુલ્તાનાના પરિવાર પર હત્યાનો આરોપ લગાવ્યો છે. હત્યાથી નાખુશ હિન્દુ સંગઠનોએ પોલીસ-પ્રશાસન વિરુદ્ધ નારેબાજી શરુ કરી દીધી છે.
બંને સાત વર્ષથી રિલેશનશીપમાં હતા
નાગરાજૂ રંગારેડ્ડી જિલ્લાના મરપલ્લી ગામનો રહેવાસી હતો, જ્યારે સુલ્તાના તેના પાડોશી ગામ ધાનાપુરમાં રહેતી હતી. બંને સાત વર્ષથી રિલેશનશીપમાં હતા. પરંતુ સુલ્તાનાના પરિવારને નાગરાજૂ પસંદ ન હતો. 31મી જાન્યુઆરીએ નાગરાજૂ અને સુલ્તાનાએ ભાગીને લાલ દરવાજા વિસ્તારમાં આર્ય સમાજ મંદિરમાં લગ્ન કર્યા અને સુલ્તાનાનું નામ બદલીને પલ્લવી રાખી દીધું.
સુલ્તાનાના ભાઈ અને ફુઆની ધરપકડ કરાઈ
નાગરાજૂ એક કાર શોરુમમાં સેલ્સ મેન તરીકે કામ કરતો હતો. 4 મહિના પહેલા જ તેણે સૈયદ અશ્રીન સુલ્તાના સાથે લગ્ન કર્યા હતા. સુલ્તાનાએ આરોપ લગાવ્યો કે તેના ભાઈ અને કેટલાક અન્ય લોકોએ નાગરાજૂ પર હુમલો કર્યો. પોલીસ પ્રમાણે, સુલ્તાનાના ભાઈ અને ફુઆની ધરપકડ કરાઈ છે. પોલીસ પ્રમાણે મૃતક બિલાપુરમ નાગરાજૂ અને તેની પત્ની સૈયદ અશ્રીન સુલ્તાના એક જ કોલેજમાં સાથે ભણતા હતા. બંને વચ્ચે પ્રેમ થયો અને તે જ વર્ષે જાન્યુઆરીમાં લગ્ન કરી લીધા હતા. લગ્ન બાદ સુલ્તાનાએ પોતાનું નામ પલ્લવી રાખી લીધું. ભાઈ આ લગ્નથી નાખુશ હતા સંભવિત તેજ કારણના કારણે હત્યા કરવામાં આવી. પોલીસ આ કેસની તપાસ કરી રહી છે.
ભાજપ ધારાસભ્ય તપાસની માગ કરી
તેલંગાણાના ભાજપ ધારાસભ્ય રાજા સિહે હત્યા કરનારા આરોપીઓની ધરપકડની માગ કરી છે. તેમણે કહ્યું કે આ પરિવારના સભ્ય હતા કે કેટલાક ધાર્મિક સમૂહોના પરિવારને સલાહ આપી હતી? શું કોઈ સમૂહે તેમને આર્થિક મદદનું વચન આપ્યું હતું? આ હત્યાની સંપૂર્ણ તપાસ થવી જોઈએ. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1  ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).