Face Of Nation 03-06-2022 : હૈદરાબાદમાં એક સગીર છોકરી સાથે ગેંગરેપની ઘટના બની છે. 5 સગીરોએ મર્સિડીઝમાં છોકરી સાથે ગેંગરેપ કર્યો હતો. આરોપીઓમાં એક ધારાસભ્યનો છોકરો પણ છે, જોકે પોલીસે ધારાસભ્યોનો છોકરો ગેંગરેપમાં સામેલ હોવાનો કોઈ ખુલાસો કર્યો નથી. આરોપી 11માં-12માં ધોરણના વિદ્યાર્થીઓ છે અને તેઓ દરેક સુખી-સમૃદ્ધ પરિવારના છે. તો બીજીતરફ ઘટના 28મી મેની છે. છોકરીના પિતાએ બુધવારે પહેલી જૂને આરોપીઓ સામે ફરિયાદ દાખલ કરી છે. પોલીસે IPC કલમ 354, પોક્સ એક્ટ અંતર્ગત જુબલી હિલ્સ પોલીસ સ્ટેશનમાં ફરિયાદ નોંધાવી છે. હાલ કોઈની ધરપકડ કરાઈ નથી.
17 વર્ષની દીકરી હાઈપ્રોફાઈલ પાર્ટીમાં ગઈ હતી
17 વર્ષની દીકરી હાઈપ્રોફાઈલ પાર્ટીમાં ગઈ હતી. આ પાર્ટી તેના મિત્ર સૂરજ અને હાદીએ એમ્નેશિયા એન્ડ ઈનસોમ્નિયા પબમાં આપી હતી. સાંજે 5.30 વાગે તે ઘરેથી નીકળી હતી. પબમાં મળેલા આરોપીઓએ તેને ઘરે મૂકવા આવવાનું કહ્યું હતું, તેથી તે તેમની કારમાં બેઠી હતી, જેમાં પહેલેથી જ 3-4 છોકરાઓ બેઠેલા હતા.
દીકરીના શરીર પર ઈજાનાં નિશાન પણ છે
પિતાએ જણાવ્યું હતું કે તેની દીકરીના શરીર પર ઈજાનાં નિશાન પણ છે. ઘટના પછીથી પીડિતા આઘાતમાં છે, તેથી તે સમગ્ર ઘટનાનો ખુલાસો ના કરી શકી. પીડિતાના પિતાએ કહ્યું હતું કે આ ઘટનાની તપાસ કરીને આરોપીઓ સામે યોગ્ય કાર્યવાહી થવી જોઈએ. તો બીજીતરફ બીજી બાજુ, ઘટનાની તપાસ કરતાં અધિકારીઓએ કહ્યું- જ્યારે કાર અંધારામાં સૂમસામ જગ્યાએ રોકાઈ ત્યારે છોકરાઓએ એક પછી એક છોકરી સાથે મારઝૂડ કરી હતી. આરોપીઓએ છોકરી સાથે દુષ્કર્મ કરતાં પહેલાં તેઓ એક પેસ્ટ્રીની દુકાને પણ ગયા હતા.
પીડિતા માત્ર એક આરોપીને ઓળખી શકી
પોલીસના જણાવ્યા પ્રમાણે, પાર્ટીમાં ધારાસભ્યના છોકરાની સાથે અલ્પસંખ્યક બોર્ડના અધ્યક્ષનો પુત્ર પણ હતો. હાલ પીડિતા માત્ર એક આરોપીની ઓળખ કરી શકી છે અને તેનું નામ જણાવી શકે છે. આ દરેક આરોપી સગીર છે. છોકરીના નિવેદન પછી પોલીસે કલમ બદલીને રેપની ફરિયાદ દાખલ કરીને તપાસ શરૂ કરી છે. આરોપીઓની ઓળખ કરવા માટે પબમાં પાર્ટીમાં સામેલ લોકો અને ત્યાં કામ કરતા લોકોની પૂછપરછ કરવામાં આવી છે. પબ મેનેજમેન્ટનું કહેવું છે કે આ નોન આલ્કોહોલિક પાર્ટી હતી. અહીં આવેલા લોકોને દારૂ સર્વ નથી કરાતો. પોલીસ આજુબાજુના સીસીટીવી ફૂટેજથી આરોપીઓની ઓળખ કરવાનો પ્રયત્ન કરી રહી છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
