Face Of Nation 12-05-2022 : મની લોન્ડરીંગ અને મનરેગા ભ્રષ્ટાચાર કેસમાં મોટી કાર્યવાહી કરતા એન્ફોર્સમેન્ટ ડિરેક્ટોરેટે ઝારખંડની આઇએએસ અધિકારી પૂજા સિંઘલ અને તેના પતિ અભિષેક ઝાની ધરપકડ કરી લીધી છે. તો બીજીતરફ મનરેગા કૌભાંડ, આવક કરતા વધારે સંપત્તિ અને ભ્રષ્ટાચારના ગંભીર આરોપથી ઘેરાયેલી ઝારખંડના ખાણ અને ઉદ્યોગ સચિવ પૂજા સિંઘલની એન્ફોર્સમેન્ટ ડિરેક્ટોરેટે મંગળવારે 9 કલાક અને બુધવારે 11 કલાક સુધી પૂછપરછ કરી હતી અને બાદ તેમની ધરપકડ કરવામાં આવી હતી.
પૂજાના પતિ અભિષેકની પણ ધરપકડ
ઈડીએ પૂજાના પતિ અભિષેકની પણ ધરપકડ કરી છે. પૂજા અને તેના પતિ અભિષેકને સામસામે બેસાડીને ઈડીએ પૂછપરછ કરી હતી. ઈડીનો આરોપ છે કે બન્ને પતિએ મનરેગામાં મોટાપાયે ભ્રષ્ટાચાર કર્યો છે અને આવક કરતા વધારે સંપત્તિ એકત્ર કરી છે. ઈડીએ અભિષેક ઝાની સતત બે દિવસ સુધી પૂછપરછ કરી હતી.
ઈડીએ દરોડા પાડીને 19 કરોડની રોકડ જપ્ત કરી હતી
પૂજા સિંઘલની સામે આવક કરતા વધારે સંપત્તિ કેસમાં ઈડીની તપાસ ચાલી રહી છે. બુધવારે ઈડીએ કલાકો સુધી સિંઘલની પૂછપરછ કરી હતી અને ત્યાર બાદ તેમની ધરપકડ કરી હતી. ઈડીએ તાજેતરમાં રાંચી અને પૂજા સિંઘલના નજીકના સહયોગીઓના અન્ય ઠેકાણાઓ પર દરોડા પાડ્યા હતા. દરોડા દરમિયાન ઈડીએ 19 કરોડથી વધુની રોકડ અને અનેક મહત્વના દસ્તાવેજો મળી આવ્યા હતા. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
