Face Of Nation, 05-11-2021: કાનપુરમાં દિવસેને દિવસે હવે ઝીંકા વાયરસના કેસ વધી રહ્યા છે. અહીયા બીજા નવા 30 કેસ નોંધાયા બાદ કુલ ઝીંકા વાયરસના દર્દીઓની સંખ્યા 66 થઈ ગઈ છે. સમગ્ર મામલે જિલ્લા અધિકારી દ્વારાજ માહિતી આપવામાં આવી છે કે બીજા નવા 30 કેસ હવે કાનપુરમાં નોંધાયા છે. જેના કારણે અહીયાના લોકોમાં ભયનો માહોલ ફેલયેલો છે.
અહીયા 23 ઓક્ટોબરે ઝીંકા વાયરસનો પહેલો કેસ નોંધાયો હતો. જેમા સૌથી પહેલા ભારતીય વાયુસેનનો એક અધિકારી આ વાયરસની ઝપેટમાં આવ્યા હતા. ત્યારબાદથી અહીયા સતત ઝીંકા વાયરસના કેસ વધી રહ્યા છે. ધીરે ધીરે હવે અહીયા કુલ 66 લોકો ઝીંકા વાયરસનો ભોગ બન્યા છે. જેના કારણે સરકાર પણ ચીંતામાં મુકાઈ ગઈ છે.
જે 66 લોકો સંક્રમણનો ભોગ બન્યા છે તેમાં 45 પુરુષ છે જ્યારે 21 મહિલા છે. આપને જણાવી દઈએ કે ઝીંકા વાયરસ મચ્છરોને કારણે ફેલાય છે. જેથી સ્વાસ્થ્ય વિભાગની ટીમો હવે જે લોકોને ગંભીર તાવ કે પછી અન્ય લક્ષણો જણાય તો પહેલા તે દર્દીનો ટેસ્ટ કરાવી રહી છે. ખાસ કરીને જે દર્દીઓ હાલ ગંભીર રીતે બિમાર છે. તેમના ટેસ્ટ પહેલા કરાવામાં આવી રહ્યા છે.
ઉલ્લેખનીય છે કે સ્વાસ્થ્ય વિભાગના અધિકારીઓ કાનપુરમાં હવે ઘરે ઘરે જઈને લોના ટેસ્ટ કરી રહ્યા છે. જેથી કરીને આ વાયરસનો જલ્દી અંત લાવી શકાય. કારણકે માત્ર 12 દિવસમાં અહીયા કુલ 66 દર્દીઓમાં ઝીંકા વાયરસના કેસ જોવા મળ્યા છે. જેથી આ સમગ્ર મામલે મુખ્યમંત્રી યોગી આદિત્યનાથે પણ સ્વાસ્થ્ય વિભાગવે આ વાયરસને રોકવા માટે યોગ્ય પગલા લેવા આદેશ આપ્યા છે. (આપની આસપાસ બનતી માહિતીના ફોટા કે વિડીયો અથવા આપની રજુઆત કે જેને તમે સમાચારમાં સ્થાન આપવા માંગતા હોવ તેને અમને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1. ફેસબુકમાં પણ faceofnation.news નામથી સર્ચ કરી લાઈક કરીને સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો)
