Face Of Nation, 08-09-2021: ઇન્ડોનેશિયાના બાન્ટેન પ્રાંતની જેલમાં ભીષણ આગ લાગી છે. સમાચાર એજન્સી રોઇટર્સ અનુસાર, જેલના અધિકારીઓએ જણાવ્યું હતું કે આગની આ ઘટનામાં 40 કેદીઓના મોત થયા છે. હાલમાં બચાવ અને રાહત કાર્ય ચાલી રહ્યું છે.
કાયદો અને માનવાધિકાર મંત્રાલયના જેલ વિભાગના પ્રવક્તા રિકા અપરિંતીએ કહ્યુ કે, તંગેરંગ જેલ બ્લોક સીમાં આગ લાગી હતી. ઈજાગ્રસ્ત લોકોને હોસ્પિટલમાં ભરતી કરાવ્યા છે. જ્યારે બ્લોકને આખો ખાલી કરી દેવામાં આવ્યો છે. હાલમાં આગ પર કાબૂ મેળવવામાં આવી રહ્યો છે. આગ લાગવાનું કારણ હજૂ સુધી જાણવા નથી મળ્યું.
તેમણે કહ્યું કે જેલના આ બ્લોકનો ઉપયોગ ડ્રગ સંબંધિત ગુનાઓ માટે કેદીઓને રાખવા માટે કરવામાં આવતો હતો. આ બ્લોકમાં 122 કેદીઓને રાખવાની ક્ષમતા છે, પરંતુ હાલમાં કેટલાને રાખવામાં આવ્યા હતા; તેની પુષ્ટિ થવાની બાકી છે.સપ્ટેમ્બર મહિનાના સરકારી આંકડા મુજબ, તંગરેંગ જકાર્તા નજીક ઔદ્યોગિક અને ઉત્પાદન કેન્દ્ર છે. અહીંની જેલમાં 2,000 થી વધુ કેદીઓ હતા, જે તેની 600 લોકોની ક્ષમતા કરતા ઘણા વધારે છે. (આપની આસપાસ બનતી માહિતીના ફોટા કે વિડીયો અથવા આપની રજુઆત કે જેને તમે સમાચારમાં સ્થાન આપવા માંગતા હોવ તેને અમને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1. ફેસબુકમાં પણ faceofnation.news નામથી સર્ચ કરી લાઈક કરીને સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો)
