Face Of Nation 06-05-2022 : IPL 2022ની 51મી મેચમાં મુંબઈ ઈન્ડિયન્સે 5 રનથી ગુજરાત ટાઈટન્સને હરાવી દીધું છે. GT સામે 178 રનનો ટાર્ગેટ હતો, જેના જવાબમાં ટીમ 172/5નો સ્કોર જ કરી શકી અને મેચ હારી ગઈ હતી. એક સમયે ગુજરાતનો સ્કોર 16 ઓવરમાં 138/3 હતો અને ટીમને જીત માટે ફેવરિટ માનવામાં આવતી હતી, પરંતુ ત્યારપછી MIના બોલરોએ ટાઇટન્સને કમબેક કરવાની એકપણ તક આપી નહોતી.
એક જ ઓવરમાં બંને ઓપનર આઉટ, રાશિદની 2 વિકેટ
ગુજરાત ટાઈટન્સે 178 રનના ટાર્ગેટને ચેઝ કરતા શાનદાર શરૂઆત કરી હતી. આ દરમિયાન સાહા અને શુભમન ગિલ વચ્ચે 106 રનની પાર્ટનરશિપ થઈ હતી. જોકે ત્યારપછી મુરુગન અશ્વિનની એક જ ઓવરમાં ટીમના બંને ઓપનર પેવેલિયન ભેગા થઈ ગયા હતા. આ દરમિયાન સાહાએ 55 રન તથા ગિલે 52 રન કર્યા હતા.તો બીજીતરફ ગુજરાત ટાઇટન્સના વાઇસ કેપ્ટન રાશિદ ખાને શાનદાર બોલિંગ કરતાં 4 ઓવરમાં 2 વિકેટ લીધી હતી. તેણે રોહિત શર્મા (43) અને કિરોન પોલાર્ડ (4)ને આઉટ કરી ગુજરાતને ગેમમાં કમબેક કરાવ્યું હતું. ડેવિડ મિલરની આ 100મી IPL મેચ છે. આ રેકોર્ડ બનાવનારો એબી ડી વિલિયર્સ (184) અને ફાફ ડુ પ્લેસિસ (111) પછી તે માત્ર ત્રીજો દક્ષિણ આફ્રિકાનો ખેલાડી બની ગયો છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
