Face Of Nation 30-04-2022 : IPLમાં આજે ગુજરાત ટાઇટન્સ અને રોયલ ચેલેન્જર્સ બેંગ્લોર વચ્ચે મેચ રમાઈ રહી છે. જેમાં ટોસ જીતી પહેલા બેટિંગ કરતા RCBએ 20 ઓવરમાં 6 વિકેટના નુકસાને 170 રન કર્યા હતા. જેના જવાબમાં ગુજરાતે 4 વિકેટના નુકસાને 174 રન કરી મેચ જીતી લીધી છે.તો બીજીતરફ 171 રનના ટાર્ગેટને ચેઝ કરતા ગુજરાતે મેચમાં શાનદાર શરૂઆત કરી હતી. ઋદ્ધિમાન સાહા અને શુભમન ગીલે પહેલી વિકેટ માટે 51 રન જોડ્યા હતા. જોકે ત્યારપછી હસરંગાએ સાહાની વિકેટ લઈને RCBને ટીમમાં કમબેક કરાવ્યું હતું. ગત મેચમાં શાનદાર ફિફ્ટી ફટકારનારો સાહા બેંગ્લોર સામે 22 બોલમાં 29 રન જ કરી શક્યો હતો. તે જ સમયે, શુભમન ફરી એકવાર હાઈસ્કોરિંગ ઈનિંગ રમી શક્યો નહીં અને 31 રન કરી આઉટ થયો હતો. તેને શાહબાઝ અહેમદે પેવેલિયન ભેગો કર્યો હતો.
ગુજરાત સામે કોહલી ફોર્મમાં પરત ફર્યો
ગુજરાત સામે વિરાટ કોહલી ફોર્મમાં પરત ફર્યો છે. પરંતુ આ દરમિયન તેનો સ્ટ્રાઈક રેટ ઘણો ઓછો રહ્યો હતો. વિરાટે 53 બોલમાં 58 રનની ઇનિંગ રમી હતી. આ દરમિયાન તેણે 6 ચોગ્ગા અને 1 છગ્ગો ફટકાર્યો હતો. IPL 2022માં વિરાટની આ પહેલી ફિફ્ટી છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
