Face Of Nation 19-04-2022 : IPL 2022ની 30મી મેચમાં રાજસ્થાન રોયલ્સે 7 વિકેટથી કોલકાતાને હરાવીને રોમાંચક જીત નોંધાવી છે. KKR સામે 218 રનનો ટાર્ગેટ હતો, જેના જવાબમાં ટીમ 210 રન જ કરી શકી અને મેચ હારી ગઈ હતી. KKR તરફથી કેપ્ટન શ્રેયસ અય્યર (85) સૌથી વધુ રન સ્કોરર રહ્યો હતો. તે જ સમયે, યુઝવેન્દ્ર ચહલે હેટ્રિક સાથે કુલ 5 વિકેટ લીધી હતી. આની પહેલા ટોસ હાર્યા પછી બેટિંગ કરતા RRએ 20 ઓવરમાં 5 વિકેટના નુકસાને 217 રન કર્યા હતા. આ દરમિયાન રાજસ્થાનના જોસ બટલરે સૌથી વધુ 103 રનની ઇનિંગ રમી હતી. આ સિઝનમાં આ તેની બીજી સદી હતી. જ્યારે KKR તરફથી સુનીલ નરેને 2 વિકેટ લીધી હતી.
જોસ બટલરની તોફાની સદી
શાનદાર ફોર્મમાં ચાલી રહેલા જોસ બટલરે આ મેચમાં પણ પોતાનો આક્રમક અંદાજ જાળવી રાખ્યો છે. તેણે તેની IPL કારકિર્દીની ત્રીજી અને આ સિઝનની બીજી સદી 59 બોલમાં પૂરી કરી હતી. જોકે, તેણે સદી ફટકાર્યા પછી પોતાની વિકેટ ગુમાવી દીધી હતી. જોસે 61 બોલમાં 103 રનની યાદગાર ઇનિંગ રમી હતી. જોકે ત્યારપછી પેટ કમિન્સે તેની વિકેટ લીધી હતી. તો બીજીતરફ શાનદાર ફોર્મમાં ચાલી રહેલા જોસ બટલરે આ મેચમાં પણ પોતાની આક્રમક બેટિંગ કરવાનું ચાલુ રાખ્યું હતું. તેણે 29 બોલમાં પોતાની IPL કારકિર્દીની 14મી ફિફ્ટી ફટકારી હતી. IPL 2022માં આ તેની સતત બીજી ફિફ્ટી છે.
રાજસ્થાનના ઓપનર્સની શાનદાર શરૂઆત
બટલર અને પડ્ડિકલે 97 રન કરી રાજસ્થાનને સારી શરૂઆત અપાવી હતી. આ પાર્ટનરશિપને સુનીલ નરેને પડ્ડિકલને આઉટ કરી તોડી હતી. તે 18 બોલમાં 24 રન કરીને પેવેલિયન ભેગો થયો હતો. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
