Face Of Nation 01-05-2022 : IPL 2022ની 45મી મેચમાં લખનઉ સુપર જાયન્ટ્સે 6 રનથી દિલ્હી કેપિટલ્સને હરાવી દીધું છે. આ મેચમાં દિલ્હી સામે 196 રનનો ટાર્ગેટ હતો જેના જવાબમાં ટીમ 20 ઓવરમાં 7 વિકેટના નુકસાને 189 રન કરી શકી હતી. જેથી લખનઉએ આ મેચમાં બાજી મારી લીધી છે. LSGના મોહસિન ખાને 4 વિકેટ લીધી હતી, તો કેપ્ટન રાહુલ અને હુડાએ મેચ વિનિંગ ફિફ્ટી ફટકારી ટીમની જીતમાં મહત્ત્વપૂર્ણ યોગદાન આપ્યું હતું. બીજીતરફ 196 રનના ટાર્ગેટને ચેઝ કરવા ઉતરેલી દિલ્હીની શરૂઆત ખરાબ રહી હતી. ટીમે 13 રનની અંદર બંને ઓપનર્સની વિકેટ ગુમાવી દીધી હતી. આ દરમિયાન પૃથ્વી શો 5 રન તથા ડેવિડ વોર્નર 3 રન કરી આઉટ થયો હતો.
લોકેશ રાહુલ અને દીપકની જોડી હિટ
આઈપીએલ 2022માં કેએલ રાહુલ શાનદાર ફોર્મમાં છે. દિલ્હી સામેની મેચમાં તેની બીજી અડધી સદી બેટ સાથે આવી છે. તેણે આ સિઝનમાં 2 સદી પણ ફટકારી છે. IPLમાં રાહુલની આ 29મી હાફ સેન્ચુરી છે.રાહુલ સિવાય દીપક હુડ્ડાનું બેટ પણ મેચમાં જોરદાર બોલે છે. તેણે આઈપીએલ 2022ની ત્રીજી અડધી સદી દિલ્હી સામે માત્ર 32 બોલમાં બનાવી હતી. આ સાથે જ આઈપીએલમાં આ તેની છઠ્ઠી ફિફ્ટી છે.
લોર્ડ શાર્દૂલે ડિકોકની વિકેટ લીધી
શાર્દૂલ ઠાકુરે આક્રમક બેટર એવા ક્વિન્ટન ડિકોકની વિકેટ લીધી હતી. પાંચમી ઓવરમાં ડિકોક કવર ડ્રાઈવ મારવા જતા પેવેલિયન ભેગો થયો હતો. આ દરમિયાન કેએલ રાહુલ અને ડીકોકે પહેલી વિકેટ માટે 42 રનની પાર્ટનરશિપ નોંધાવી હતી. જોકે તે કંઈ ખાસ કરી ન શક્યો અને આ મેચમાં ડિકોક 23 રનના સ્કોરમાં પેવેલિયન ભેગો થઈ ગયો હતો. આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
