Face Of Nation 16-04-2022 : IPL 2022ની 26મી મેચમાં લખનઉ સુપર જાયન્ટ્સે મુંબઈ ઈન્ડિયન્સને જીતવા માટે 200 રનનો ટાર્ગેટ આપ્યો છે. જેના જવાબમાં MIએ 6 વિકેટના નુકસાને 150+ રન કર્યા છે. ટોસ હાર્યા પછી પહેલા બેટિંગ કરતા LSGએ 20 ઓવરમાં 4 વિકેટના નુકસાને 199 રન કર્યા હતા. આ ઈનિંગમાં કેપ્ટન કેએલ રાહુલે શાનદાર બેટિંગ કરીને IPLમાં પોતાની ત્રીજી સદી ફટકારી અને 103 રનની અણનમ ઇનિંગ રમી હતી.
કેએલ રાહુલની 100મી મેચમાં સદી
IPLમાં લખનઉના કેપ્ટન કેએલ રાહુલની આ 100મી મેચ છે. રાહુલ આ ટૂર્નામેન્ટના ઈતિહાસમાં 100 મેચ રમનારો 48મો ખેલાડી બની ગયો છે. આની સાથે રાહુલે 2013માં RCB તરફથી રમતા પોતાનું ડેબ્યૂ કર્યું હતું. લખનઉ અને બેંગ્લોર સિવાય તે સનરાઈઝર્સ હૈદરાબાદ અને પંજાબ કિંગ્સ માટે પણ રમી ચૂક્યો છે. એટલું જ નહીં રાહુલે શાનદાર બેટિંગ કરતા 56 બોલમાં પોતાની IPL કારકિર્દીની ત્રીજી સદી ફટકારી હતી. તેણે આ ઈનિંગમાં 9 ચોગ્ગા અને 5 છગ્ગા ફટકાર્યા હતા. તો બીજીતરફ રોહિત શર્માના આઉટ થયા પછી ડેવોલ્ડ બ્રેવિસ બેટિંગ કરવા આવ્યો હતો અને તેણે માત્ર 13 બોલમાં 31 રન કર્યા હતા. જોકે ત્યારપછી દીપક હુડાએ તેને પેવેલિયન ભેગો કર્યો હતો. બ્રેવિસ અને ઈશાને બીજી વિકેટ માટે 19 બોલમાં 41 રન જોડ્યા હતા.
લોકેશ રાહુલ-ક્વિન્ટન ડિકોકેની જોડી હિટ
ટોસ હાર્યા પછી લખનઉને કેપ્ટન કેએલ રાહુલ અને ક્વિન્ટન ડિકોકે સારી શરૂઆત અપાવી હતી. બંને ખેલાડીઓએ પહેલી વિકેટ માટે 52 રન જોડ્યા હતા. આ પાર્ટનરશિપ ફેબિયન એલને ડિકોકને આઉટ કરીને તોડી હતી. તે 13 બોલમાં 24 રન કરીને LBW આઉટ થયો હતો.(આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
