Face Of Nation 19-04-2022 : IPL 2022ની 31મી મેચમાં રોયલ ચેલેન્જર્સ બેંગ્લોરે લખનઉ સુપર જાયન્ટ્સને 18 રનથી હરાવ્યું છે. લખનઉ સામે મેચ જીતવા 182 રનનો ટાર્ગેટ હતો, જેના જવાબમાં ટીમ 8 વિકેટના નુકસાને 163 રન જ બનાવી શકી અને મેચ હારી ગઈ. કૃણાલ પંડ્યાએ સૌથી વધુ 42 રન બનાવ્યા હતા. હેઝલવુડે 4 વિકેટ ઝડપી હતી. RCBની 7 મેચમાં આ 5મી જીત છે. અત્યાર સુધી ટીમ માત્ર 2 મેચ હારી છે. તે જ સમયે, લખનઉની 7 મેચમાં આ ત્રીજી હાર છે. આ પહેલા ટોસ હાર્યા બાદ બેટિંગ કરતા રોયલ ચેલેન્જર્સ બેંગ્લોરે 20 ઓવરમાં 6 વિકેટ ગુમાવીને 181 રન બનાવ્યા હતા. કેપ્ટન ફાફ ડુ પ્લેસિસે સૌથી વધુ 96 રનની ઇનિંગ રમી હતી. જેસન હોલ્ડર અને દુષ્મંથા ચમીરાએ 2-2 વિકેટ લીધી હતી.
ફાફ ડૂ પ્લેસીસે રમી કેપ્ટન ઈનિંગ્સ
વિરાટ કોહલી અને ગ્લેન મેક્સવેલની મહત્વની વિકેટ સસ્તામાં ગુમાવ્યા બાદ RCBની ઈનિંગ્સ મુશ્કેલીમાં મુકાઈ ગઈ હતી. આ દરમિયાન કેપ્ટન ફાફ ડુ પ્લેસિસે આક્રમક 40 બોલમાં પોતાની અડધી સદી પણ પૂરી કરી હતી. તેણે 64 બોલમાં 96 રનની ધમાકેદાર ઇનિંગ રમી હતી. ફાફની વિકેટ હોલ્ડરના ખાતામાં આવી અને ડીપ સ્ક્વેર લેગ પર સ્ટોઈનિસે તેનો કેચ પકડ્યો.
પાવરપ્લેમાં RCB ફેલ
ટોસ હાર્યા બાદ પ્રથમ બેટિંગ કરતા RCBની શરૂઆત ખરાબ રહી હતી. પ્રથમ જ ઓવરમાં દુષ્મંથા ચમીરાએ સતત બે બોલમાં બે વિકેટ ઝડપી હતી. ઓવરના 5મા બોલ પર તેણે અનુજ રાવત (4) અને આગલા બોલ પર વિરાટ કોહલી (0) રને આઉટ કર્યો હતો. ડુ પ્લેસિસ અને ગ્લેન મેક્સવેલે ત્રીજી વિકેટ માટે 26 બોલમાં 37 રન જોડ્યા હતા, પરંતુ છઠ્ઠી ઓવરમાં મેક્સવેલે પણ કૃણાલ પંડ્યાના હાથે પોતાની વિકેટ ગુમાવી દીધી હતી. પાવર પ્લેમાં RCBનો સ્કોર 47/3 હતો. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
