Face Of Nation 16-06-2022 : અફઘાનિસ્તાનના ઈસ્લામિક સ્ટેટ્સ ખોરાસન (IS-K)એ ભારતમાં શ્રેણીબદ્ધ બોમ્બ વિસ્ફોટ કરવાની ધમકી આપી છે. આ ધમકી IS-Kએ તેના અલઅઝૈમ ફાઉન્ડેશન પર ન્યૂઝ બુલેટીન મારફતે આપી છે. IS-Kએ બે ન્યૂજ બુલેટીન જાહેર કર્યાં છે, જે પૈકી પ્રથમ બુલેટિનમાં ભારતને ધમકી ભર્યો સંદેશ આપ્યો છે. પહેલા બુલેટિનમાં એક વીડિયોમાં ભાજપના ભૂતપુર્વ પ્રવક્તા નૂપુર શર્માને દેખાડવામાં આવ્યા છે. ગયા સપ્તાહે દેશના વિવિધ શહેરોમાં જુમ્માની નમાજ બાદ ભારે હિંસા થઈ હતી. અને દેશમાં છેલ્લા કેટલી કોમી હિંસામાં સામેલ લોકોના ઘરોને બુલડોઝર મારફતે તોડી પાડવામાં આવ્યા છે. વીડિયોમાં IS-Kમાં સામેલ ભારતીય લડાકુઓના ભડકાઉ ભાષણનો પણ સમાવેશ થાય છે. IS-Kના વીડિયોમાં ભારતના પ્રધાનમંત્રી નરેન્દ્ર મોદીનો પણ ઉલ્લેખ કરવામાં આવ્યો છે. તેમા અફઘાનિસ્તાનમાં લઘુમતી શિખ સમૂદાય પર હુમલા કરવાની અને ભારતમાં મોટાપાયે હુમલા કરવાની ધમકીઓ આપી છે.
ભારતમાં બોમ્બ વિસ્ફોટ કરવાની ધમકી આપી
ગયા સપ્તાહે આતંકવાદી સંગઠન અલકાયદાએ પણ ભારતમાં બોમ્બ વિસ્ફોટ કરવાની ધમકી આપી હતી. અલકાયદાએ દિલ્હી, મુંબઈ, ઉત્તર પ્રદેશ અને ગુજરાતમાં બોમ્બ વિસ્ફોટ કરવાની ધમકી આપી હતી. પગમ્બર અંગે કરવામાં આવેલી ટિપ્પણીનો બદલો લેવાની વાત કરવામાં આવી હતી.
વીડિયોમાં તાલીબાનની પણ ટીકા કરવામાં આવી છે
પોતાના વીડિયોમાં IS-Kએ તાલિબાનની પણ આકરી ટીંકા કરી છે. IS-Kએ તાલિબાનના સંરક્ષણ પ્રધાન મુલ્લા યાકૂબે ભારતીય ન્યૂઝ ચેનલને આપેલા ઈન્ટરવ્યુ આપવા બદલ આકરી ટીકા કરી હતી. અફઘાનિસ્તાનના કાર્યકારી વિદેશ મંત્રીની ભારતીય અધિકારીઓ સાથે આ મીટિંગને અયોગ્ય ગણાવી છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
