Face Of Nation 08-05-2022 : જામનગરમાં ધારાસભ્ય ધર્મેન્દ્રસિંહ જાડેજાના યજમાન પદે હાલ ભાગવત સપ્તાહ ચાલી રહી છે. જેનો આજે રવિવારે છેલ્લો દિવસ છે. ત્યારે ભાજપ પક્ષ સાથે જોડાયેલા ક્રિકેટર રવિન્દ્ર જાડેજાના પત્ની રિવાબા જાડેજા પણ આજે આ સપ્તાહમાં સહભાગી બન્યા હતા. આ દરમિયાન તેઓએ ચૂંટણી લડવા બાબતે મોટું નિવેદન આપ્યું હતું અને વિધાનસભાની ચૂંટણી લડવાની તૈયારી બતાવી હતી.
ચૂંટણી લડવા અંગે રિવાબાએ સ્પષ્ટતા કરી
ગુજરાત વિધાનસભાની ચૂંટણી આ વર્ષે યોજાવાની છે. જેને લઈ તમામ પક્ષોએ અત્યારથી જ તૈયારીઓ શરૂ કરી દીધી છે. આ વચ્ચે જામનગરમાં હાલ ધારાસભ્ય ધર્મેન્દ્ર સિંહ જાડેજાના યજમાન પદે ભાગવત સપ્તાહ ચાલી રહી છે. જેમાં દરરોજ અનેક રાજકીય નેતાઓની હાજરી જોવા મળી હતી. ત્યારે આજે ભાજપ પક્ષ સાથે જોડાયેલા રિવાબા જાડેજા પણ આ સપ્તાહમાં સહભાગી થયા હતા. જ્યા તેઓએ ચૂંટણી લડવા મુદ્દે મહત્વનું નિવેદન આપી આગામી વિધાનસભાની ચૂંટણી લડવાની તૈયારી બતાવી હતી. તેઓએ જણાવ્યું કે, જો પાર્ટી મારા પર વિશ્વાસ રાખી અને જવાબદારી સોંપશે તો હું જરૂર નિભાવીશ.
અત્યાર સુધીમાં 130 ગામડા સુધી પહોંચી શક્યા છીએ
ભાજપ સાથે જોડાયેલા રિવાબા જાડેજા છેલ્લાં બે વર્ષથી જામનગરનાં એક-એક ગામ ખૂંદી રહ્યાં છે, તેને લઈ તેઓએ જણાવ્યું હતું કે, અમે માતૃ શક્તિ ચેરીટેબલ ટ્રસ્ટ ચલાવીએ છીએ એના જ માધ્યમથી અને સ્ત્રી ઉથાન, સ્ત્રી સશક્તિકરણ માટે બહેનો આત્મનિર્ભર બને અને ખરા અર્થમાં આત્મનિર્ભરતા મેળવી શકાય એ માટે અમે અત્યાર સુધીમાં 130 ગામડા સુધી પહોંચી શક્યા છીએ અને વધુમાં વધુ બહેનોને પ્રોત્સાહિત કરી માર્ગદર્શન આપી રહ્યા છીએ. તેમજ અમાર ટ્રસ્ટ તરફથી અમે વધુમાં વધુ મદદ કરી શકીએ તે માટે પ્રતિબદ્ધ છીએ. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
