ફેસ ઓફ નેશન, 03-05-2020 : ઉત્તર કાશ્મીરના હંદવારામાં આતંકવાદીઓ સાથેની લડાઈમાં એક કર્નલ અને એક મેજર સહિત પાંચ સુરક્ષા જવાનો શહીદ થયા છે. અધિકારીઓએ રવિવારે જણાવ્યું હતું કે, હંદવારાના ચાંજ મોહલ્લા વિસ્તારમાં એક એન્કાઉન્ટરમાં બે આતંકવાદીઓ પણ માર્યા ગયા છે. આ વિસ્તાર ઉત્તર કાશ્મીરના કુપવાડા જિલ્લાનો એક ભાગ છે.
તેમણે કહ્યું કે, આતંકવાદીઓ દ્વારા બંધક બનાવી રાખેલા નાગરિકોને બચાવવા સેનાના અધિકારીઓ ટીમનું નેતૃત્વ કરી રહ્યા હતા. આ એન્કાઉન્ટરમાં બે આતંકવાદીઓ પણ માર્યા ગયા છે. અત્યારે ફાયરિંગ બંધ થઈ ગયું છે. સુરક્ષા દળોએ આ વિસ્તારમાં સર્ચ ઓપરેશન હાથ ધર્યું છે. આખો વિસ્તાર સીલ થઈ ગયો છે. વાહનોની અવરજવર ઉપર પ્રતિબંધ મૂકવામાં આવ્યો છે.
શનિવાર સાંજથી એન્કાઉન્ટર ચાલી રહ્યું હતું. મોડી રાત્રે થયેલા એન્કાઉન્ટરમાં સૈન્યના બે અધિકારીઓ સહિત પાંચ સુરક્ષા દળના જવાનો ગુમ થયા હતા. તેમનો ટીમ સાથેનો સંપર્ક તૂટી ગયો હતો. આપને જણાવી દઈએ કે કુપવાડામાં 20 કલાકની સર્ચ ઓપરેશન બાદ આતંકવાદીઓ અને સુરક્ષાદળો વચ્ચે શનિવારે બપોરે એન્કાઉન્ટર શરૂ થયું હતું. આ અગાઉ આશરે બે વાર આતંકીઓ જંગલ વિસ્તાર તરફ ભાગ્યા હતા.
પોલીસના જણાવ્યા અનુસાર, આતંકીઓ ઘટના સ્થળેથી નાસી જાય તે માટે સુરક્ષા દળોએ વિસ્તારને ઘેરી લીધો હતો. રહેણાંક વિસ્તાર હોવાને કારણે સુરક્ષા દળો સાવચેતીના પગલા લઈ રહ્યા હતા. (આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો. ફેસબુકમાં પણ faceofnation.news નામથી સર્ચ કરી લાઈક કરીને સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો)
મહેસાણામાં એક જ દિવસમાં 21 કોરોનાના પોઝિટિવ કેસ નોંધાયા, જુઓ નામ સહીત સરનામાંની વિગતો
અમદાવાદ : ગોતા-બોડકદેવ સહિતના વિસ્તારોમાં ફૂડ ડિલિવરી કરતો ઝોમેટોના યુવકનો કોરોના પોઝિટિવ
શ્રમિકોને વતન રવાના કરવામાં પણ રાજકારણ, ઉત્સવની માફક નેતાઓ લીલીઝંડી બતાવવા દોડ્યા !, Video
