Face Of Nation:ગાંધીનગર રાજ્યસભામાં ભાજપ તરફી મતદાન કર્યા પછી અલ્પેશ ઠાકોર અને ધવલસિંહ ઝાલા સોમવારે ભાજપમાં જોડાશે તેવી માહિતી ભાજપ-ઠાકોર સેનાના સૂત્રો દ્વારા જ વહેતી કરાઈ હતી, પણ અચાનક જોડાવવાના મુદ્દે સમય ફાળવણીમાં કઇ ભાજપ સાથે વાંધો પડતા ઠાકોરે 15મી જુલાઇએ જ ઠાકોર સેનાની બેઠક બોલાવી છે. ગુજરાત ઠાકોર સેનાની પ્રદેશ કોર કમિટીની બપોરે બે કલાક રાણીપમાં બેઠક મળશે. આ બેઠકમાં કોર કમિટી ભાજપ સાથે જોડાવવાની તારીખ જાહેર કરશે. જોકે બેઠકમાં ભાજપ સાથે વાટાઘાટો થયા પછી જ ક્યારે જોડાવવું તે તારીખ નક્કી થશે.
