Face Of Nation, 11-11-2021: બોલિવૂડ અભિનેત્રી કંગના રનૌત ફરી એકવાર વિવાદમાં છે. આ વખતે બીજેપી સાંસદ વરુણ ગાંધીએ કંગના રનૌત પર નિશાન સાધ્યું છે. વરુણ ગાંધીએ કંગના પર સ્વાતંત્ર્ય સેનાનીઓનું અપમાન કરવાનો આરોપ લગાવ્યો છે અને કહ્યું છે કે મારે કંગનાની વિચારસરણીને ગાંડપણ કહેવું જોઈએ કે રાજદ્રોહ. જાણો શું છે સમગ્ર મામલો.
વરુણ ગાંધીએ ટ્વિટર પર લખ્યું, “ક્યારેક મહાત્મા ગાંધીના બલિદાન અને તપસ્યાનું અપમાન, ક્યારેક તેમના હત્યારાનું સન્માન અને હવે શહીદ મંગલ પાંડેથી લઈને રાણી લક્ષ્મીબાઈ, ભગત સિંહ, ચંદ્રશેખર આઝાદ, નેતાજી સુભાષ ચંદ્ર બોઝ અને લાખો સ્વાતંત્ર્ય સેનાનીઓના બલિદાનનું અપમાન. આ વિચારને ગાંડપણ કહું કે દેશદ્રોહ?
कभी महात्मा गांधी जी के त्याग और तपस्या का अपमान, कभी उनके हत्यारे का सम्मान, और अब शहीद मंगल पाण्डेय से लेकर रानी लक्ष्मीबाई, भगत सिंह, चंद्रशेखर आज़ाद, नेताजी सुभाष चंद्र बोस और लाखों स्वतंत्रता सेनानियों की कुर्बानियों का तिरस्कार।
इस सोच को मैं पागलपन कहूँ या फिर देशद्रोह? pic.twitter.com/Gxb3xXMi2Z
— Varun Gandhi (@varungandhi80) November 11, 2021
કંગનાના નિવેદન પર વરુણ ગાંધીજ નહીં પરંતુ અકાલી દળના વરિષ્ઠ નેતા મનજિંદર સિંહ સિરસાએ પણ પ્રતિક્રિયા આપી છે. મનજિંદર સિંહ સિરસાએ ટ્વીટ કરીને કહ્યું કે, “મણિકર્ણિકાની ભૂમિકા ભજવનાર કલાકાર આઝાદીની ભીખ કેવી રીતે કહી શકે. લાખો શહીદો પછી મળેલી આઝાદીને ભીખ કહેવી એ કંગના રનૌતની માનસિક નાદારી છે.
વાસ્તવમાં એક ઈન્ટરવ્યુમાં કંગના રનૌતે આઝાદીને લઈને વિવાદાસ્પદ નિવેદન આપ્યું છે. કંગનાએ કહ્યું, જો ભીખમાં આઝાદી મળે તો શું તે આઝાદી હોઈ શકે? સાવરકર, રાણી લક્ષ્મીબાઈ, નેતા સુભાષચંદ્ર બોઝ આ લોકોની વાત કરું તો આ લોકો જાણતા હતા કે લોહી વહેશે પણ તેમણે એ પણ યાદ રાખવું જોઈએ કે હિન્દુસ્તાની-હિંદુસ્તાનીઓએ લોહી ન વહેવડાવવું જોઈએ. તેમણે સ્વાતંત્ર્ય માટે કિંમત ચૂકવી, અલબત્ત. પણ એ આઝાદી નહોતી, ભીખ હતી. અમને જે આઝાદી મળી હતી તે 2014માં મળી હતી. (આપની આસપાસ બનતી માહિતીના ફોટા કે વિડીયો અથવા આપની રજુઆત કે જેને તમે સમાચારમાં સ્થાન આપવા માંગતા હોવ તેને અમને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1. ફેસબુકમાં પણ faceofnation.news નામથી સર્ચ કરી લાઈક કરીને સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો)
