Face Of Nation 19-05-2022 : હાલમાં વારાણસીની જ્ઞાનવાપી મસ્જિદનો વિવાદ ચાલુ છે. સરવેમાં હિંદુ પક્ષે દાવો કર્યો છે કે મસ્જિદમાં શિવલિંગ મળી આવ્યું છે. મુસ્લિમ પક્ષે એવો બચાવ કર્યો છે કે તે ફુવારો છે. હાલમાં આ કેસ કોર્ટમાં છે. આ અંગે હવે બોલિવૂડ એક્ટ્રેસ કંગના રનૌતે પણ વાત કરી છે. કંગના પોતાની અપકમિંગ ફિલ્મ ‘ધાકડ’ની ટીમ સાથે અહીંયા આવી હતી. એક્ટ્રેસ કંગનારનૌતે કાશી વિશ્વનાથ મંદિરમાં પૂજા અર્ચના કરી હતી.
કાશીના કણ કણમાં મહાદેવ છે
કંગનાએ મીડિયા સાથેની વાતચીતમાં જ્ઞાનવાપી મસ્જિદ અંગે વાત કરી હતી. એક્ટ્રેસે કહ્યું હતું કે, જે રીતે મથુરાના કણ કણમાં શ્રીકૃષ્ણ છે, જે રીતે અયોધ્યાના કણ કણમાં શ્રીરામ છે તે જ રીતે કાશીના કણ કણમાં મહાદેવ છે. તેને કોઈ સ્ટ્રક્ચરની જરૂર નથી. હર હર મહાદેવ.’ કંગનાએ બનારસમાં પૂજા કરતી તસવીરો સોશિયલ મીડિયામાં શૅર કરી છે. તેની સાથે અર્જુન રામપાલ, દિવ્યા દત્ત સહિત પૂરી ટીમ જોવા મળી હતી. ‘ધાકડ’ ફિલ્મ 20મી મે, 2022ના રોજ થિયેટરમાં રિલીઝ થશે.
પ્રમોશન દરમિયાન અર્જુનની જીભ લપસી
‘ધાકડ’ના પ્રમોશનમાં પહેલી જ વાર અર્જુન રામપાલ વારાણસી આવ્યો હતો. આ દરમિયાન તે એવું બોલી ગયો હતો કે તેનું ઘણું જ સારું દુર્ભાગ્ય છે કે તે અહીંયા આવ્યો. તેને અહીંયા આવીને ઘણું જ સારું લાગ્યું છે. તે હવે પરિવાર સાથે આવશે અને વધુ સમય પસાર કરશે. તો બીજીતરફ કંગનાએ એક્શન થ્રિલર ફિલ્મ ‘ધાકડ’માં એજન્ટ અગ્નિના રોલ પ્લે કર્યો છે. આ ફિલ્મને રજનીશ ઘાઈએ ડિરેક્ટ કરી છે. ફિલ્મમાં અર્જુન રામપાલ તથા દિવ્યા દત્તા લીડ રોલમાં છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
