Face Of Nation 25-05-2022 : કોંગ્રેસ પાર્ટીના વરિષ્ઠ નેતા કપિલ સિબ્બલે પાર્ટી છોડી દીધી છે. બુધવારે તેમણે સમાજવાદી પાર્ટીના સમર્થનથી રાજ્યસભા માટે નોમિનેશન દાખલ કર્યું છે. સિબ્બલ કોંગ્રેસ હાઈકમાન્ડ પર ખાસ કરીને રાહુલ ગાંધી પર સવાલ ઉઠાવી ચુક્યા છે, એવામાં એમ માનવામાં આવી રહ્યું હતું કે કોંગ્રેસ તેમને કદાચ જ રાજ્યસભામાં મોકલશે. નોમિનેશન પહેલા સિબ્બલ સપાની ઓફિસે ગયા હતા અને અખિલેશની સાથે જ રાજ્યસભા ગયા હતા.
16મીએ કોંગ્રેસમાંથી રાજીનામું આપી ચુક્યા છે
નોમિનેશન દાખલ કર્યા પછી સિબ્બલે કહ્યું કે તેઓ 16મી મેના રોજ કોંગ્રેસ પાર્ટીમાંથી રાજીનામું આપી ચુક્યા છે. સિબ્બલ હાલ UPમાંથી કોંગ્રેસ કોટામાંથી સાંસદ છે, જોકે આ વખતે યુપીમાં પાર્ટીની પાસે એટલા ધારાસભ્ય નથી, જેને પછીથી રાજ્યસભામાં મોકલી શકાય. સિબ્બલના ફ્યુચરને લઈને ક્યાસ કાઢવામાં આવી રહ્યાં હતા, જોકે હવે સમાજવાદી પાર્ટીની ટિકિટ પર નોમિનેશન ફાઈલ કરીને તેમણે તમામ અટકળો પર વિરામ લગાવી દીધું છે.
સિબ્બલે અખિલેશની સાથે જવાનું નક્કી કર્યું
જ્યારે કોંગ્રેસમાં સિબ્બલની ટિકિટ પર સસ્પેન્સ યથાવત હતું, તે સમયે 3 મોટા વિપક્ષો તેમને પોતાના કોટાથી રાજ્યસભામાં મોકલવા માટે તૈયાર હતા. યુપીથી સપા, બિહારથી રાજદ અને ઝારખંડમાંથી ઝામુમો સિબ્બલને રાજ્યસભામાં મોકલવા માટે તૈયાર હતી. જોકે સિબ્બલે અખિલેશની સાથે જવાનું નક્કી કર્યું છે.
10 સીટ માટે કોંગ્રેસમાં ઉમેદવારોની લાંબી લાઈન
રાજ્યસભા ચૂંટણીમાં આ વખતે 10 સીટ પર કોંગ્રેસ જીતે તેવી શક્યતા છે. તેમાં રાજસ્થાન-છત્તીસગઢના 2-2, ઝારખંડ, મધ્યપ્રદેશ, હરિયાણા, કર્ણાટક, મહારાષ્ટ્ર અને તમિલનાડુંની એક-એક સીટ સામેલ છે. જોકે 10 સીટ માટે દાવેદારોની લાંબી લાઈન છે, તેમાં પી ચિદમ્બરમ, ગુલામ નબી આઝાદ, આનંદ શર્મા, કપિલ સિબ્બલ, અવિનાશ પાંડે, અંબિકા સોની, વિવેકા તન્ખા, સુબોધ કાંત સહાય અને રણદીપ સુરજેવાલ જેવા પ્રમુખ નેતા સામેલ છે. એવામાં કોંગ્રેસ હાઈકમાન્ડ માટે સિલેક્શન કરવું મુશ્કેલ હશે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
