“સંબંધોમાં ખટાશ” આવી; કેટરિના કૈફે લગ્નમાં ખાન પરિવારને આમંત્રણ આપ્યું નહોતું, તો ઈદ પાર્ટીમાં અર્પિતાએ કેટરિનાને આમંત્રણ જ આપ્યું નહોતું!

Face Of Nation 07-05-2022 : આ વર્ષે સલમાન ખાનની બહેન અર્પિતા ખાન તથા આયુષ શર્માએ ત્રીજી મેના રોજ ઈદની પાર્ટી આપી હતી. આ પાર્ટીમાં બોલિવૂડની અનેક જાણીતી હસ્તીઓ સામેલ થઈ હતી. જોકે, પાર્ટીમાં ખાન પરિવાર સાથે ક્લોઝ રિલેશન રાખતી કેટરીના કૈફ હાજર નહોતી.
કેટરીનાએ ખાન પરિવારને નિમંત્રણ આપ્યું નહોતું
અર્પિતાની ઈદ પાર્ટીમાં કેટરીના કૈફની ગેરહાજરી ઉડીને આંખે વળગી હતી. કેટરીનાને ના જોતા બી ટાઉનમાં એવી ચર્ચા થવા લાગી કે અર્પિતાએ કેટને આમંત્રણ જ આપ્યું નહોતું. કેટરીના કૈફે પોતાના લગ્નમાં ખાન પરિવારને નિમંત્રણ આપ્યું નહોતું, તેથી એવી ચર્ચા હતી કે બંને વચ્ચેના સંબંધોમાં ખટાશ આવી ગઈ છે. તો બીજીતરફ ઈદ પાર્ટીના દિવસે કેટરીના મુંબઈમાં જ નહોતી. કેટરીના દિલ્હી ગઈ હતી. અહીંયા વિકી કૌશલ અપકમિંગ ફિલ્મના શૂટિંગમાં વ્યસ્ત છે.
ખાન પરિવારને કેટરીના વચ્ચે આજે પણ સારા સંબંધો
સલમાન ખાન તથા કેટરીના કૈફ નિકટના મિત્રો છે. લગ્ન બાદ કેટરીનાએ સલમાન ખાન સાથે ફિલ્મ ‘ટાઇગર 3’નું શૂટિંગ કર્યું હતું. ખાન પરિવાર તથા કેટરીનાના સંબંધોમાં કોઈ જાતની કડવાશ આવી નથી.કેટરીનાના વર્કફ્રન્ટની વાત કરીએ તો તે ‘મેરી ક્રિસમસ’માં જોવા મળશે. આ ઉપરાંત તેની ફિલ્મ ‘ફોન ભૂત’ રિલીઝ માટે તૈયાર છે. કેટરીના ફિલ્મ ‘જી લે ઝરા’માં પ્રિયંકા ચોપરા તથા આલિયા ભટ્ટ સાથે કામ કરી રહી છે. આ ફિલ્મનું શૂટિંગ આ વર્ષે સપ્ટેમ્બરમાં થશે, તેમ માનવામાં આવી રહ્યું છે.
સલમાનની ઈદ પાર્ટીમાં કોણ કોણ આવ્યું હતું?
પાર્ટીમાં કંગના રનૌત, કરન જોહર, કિઆરા અડવાણી, સિદ્ધાર્થ મલ્હોત્રા, રણવીર સિંહ, દીપિકા પાદુકોણ, મીકા સિંહા, કરિશ્મા કપૂર, એકતા કપૂર, સુસ્મિતા સેન, સોનાક્ષી સિંહા, હુમા કુરૈશી, રિતેશ દેશમુખ-જેનેલિયા ડિસોઝા, શહનાઝ ગિલ, તબુ, હિમેશ રેશમિયા, જેકલીન ફર્નાન્ડિઝ, કાર્તિક આર્યન, શનાયા કપૂર, તુષાર કપૂર, વરુણ શર્મા, મનીષ મલ્હોત્રા, અંગદ બેદી-નેહા ધૂપિયા, સૈફ અલી ખાનનો દીકરો ઈબ્રાહિમ, પુલકિત સમ્રાટ, કૃતિ ખરબંદા સહિતના મહેમાનો આવ્યા હતા. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1  ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).