લતા દીદી ‘મારા માટે મોટી બહેન સમાન’ હતા; પ્રધાનમંત્રી મોદીએ કહ્યું કે- લતા મંગેશકરની સ્મૃતિમાં દર વર્ષે આપવામાં આવશે આ સન્માન!

Face Of Nation 24-04-2022 : પ્રધાનમંત્રી નરેન્દ્ર મોદીને લતા દીનાનાથ મંગેશકર એવોર્ડથી સન્માનિત કરવામાં આવ્યા. આ સમારંભ મુંબઈના ષણમુખાનંદ હોલમાં આયોજિત કરાયો. લતા મંગેશકરના પિતા માસ્ટર દીનાનાથ મંગેશકરની આજે 80મી પુણ્યતિથિ પણ છે. મોદીએ સૌથી પહેલા લતા દીદી અને તેમના માતા-પિતાના ફોટો પર પુષ્પાંજલિ અર્પિત કર્યા. મંચ પર મંગેશકર પરિવારના લોકો હાજર હતા. મોદીએ તેમની સાથે લાંબા સમય સુધી વાતચીત કરી હતી.
લતા મંગેશકરની સ્મૃતિમાં દર વર્ષે અપાશે આ સન્માન
દર વર્ષે દીનાનાથ મંગેશકરની પુણ્યતિથિ પર લતા દીનાનાથ મંગેશકર એવોર્ડનું આયોજન થશે, આ સન્માન તે વ્યક્તિઓને અપાશે જેમનો રાષ્ટ્રના નિર્માણમાં મહત્વનું યોગદાન છે. આ પુરસ્કાર અંગે જાહેરાત કરતા મંગેશકર પરિવાર અને માસ્ટર દીનાનાથ મંગેશકર સ્મૃતિ પ્રતિષ્ઠાન ચેરિટેબલ ટ્રસ્ટે આ જાહેરાત કરી હતી કે તેમને લતા મંગેશકરના સન્માન અને સ્મૃતિમાં આ વર્ષથી પુરસ્કારની શરૂઆત કરી છે.
લતા દીદી મારા માટે મોટી બહેન સમાન હતા : મોદી
આ પ્રસંગે પ્રધાનમંત્રીએ કહ્યું- આ એવોર્ડમાં દેશવાસીઓને સમર્પિત કરું છું. લતા દીદી મારા મોટા બહેના જેવા હતા. આપણું સૌભાગ્ય છે કે આપણે લતા દીદીને જોયા. સંગીત એક સાધના છે, એક ભાવના પણ છે. જ્યારે લતા દીદીના નામથી પુરસ્કાર મને મળે છે તો તે એક પોતાનાપણું લાગે છે. તેઓ મારા માટે મોટી બહેન સમાન હતા અને મને ઘણો પ્રેમ-સ્નેહ કરતા હતા. આ સન્માન હું મારા તમામ દેશવાસીઓને સમર્પિત કરું છું. ઘણાં વર્ષો પછી એવું થશે જ્યારે દીદીની રાખડી મને નહીં મળે.
પ્રધાનમંત્રીએ ટ્વીટ કરી જાણકારી આપી હતી
આ પહેલા પ્રધાનમંત્રી મોદીએ ટ્વીટ કરી જાણકારી આપી હતી કે, તેઓ રવિવારે આ સન્માનને પ્રાપ્ત કરવા મુંબઈ જશે. તેમને કહ્યું હતું કે લતા દીદીના નામથી જોડાયેલા આ સન્માનને પ્રાપ્ત કરીને તેઓ ધન્યતા અનુભવી રહ્યાં છે. લતા દીદીએ હંમેશા એક મજબૂત સમૃદ્ધ ભારતનું સપનું જોયું અને રાષ્ટ્રના નિર્માણમાં યોગદાન આપ્યું. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1  ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).