પોલીસ સ્ટેશન પાસે જ પ્રેમીએ પ્રેમિકાને જાહેરમાં રહેંસી નાખી, લાશને એમ્બ્યુલન્સ નહીં આવતા ટેમ્પામાં લઈ જવાની ફરજ પડી

Face Of Nation 08-03-2022 : અમદાવાદના માઘુપુરામાં આંતરરાષ્ટ્રીય મહિલા દિને પણ મહિલાની કરપીણ હત્યાનો બન્યો છે. ઝનૂની પ્રેમીએ પોલીસ સ્ટેશનથી 100 મીટરના અંતરે જ મહિલાને રહેંસી નાંખી હતી. આ સમગ્ર બનાવ સીસીટીવીમાં કેદ થયો હતો.
પ્રેમિકાને જાહેરમાં છરીના ઘા મારીને મોતને ઘાટ ઉતારી દીધી
અમદાવાદ શહેરમાં સુરતની ગ્રીષ્માની હત્યા જેવી ઘટના બની છે. અહીંયા એક પ્રેમીએ તેની પ્રેમિકાને જાહેરમાં છરીના ઘા મારીને મોતને ઘાટ ઉતારી દીધી હોવાનો બનાવ વુમન્સ ડેના દિવસે બને છે. એક તરફ પોલીસ પેટ્રોલિંગની વાતો કરી રહી છે, તેવા સમયે જાહેરમાં અને એ પણ પોલીસ સ્ટેશનના 100 મીટરના અંદર હત્યાનો બનાવ બનતા લોકોની સુરક્ષાને લઈને સ્થિતિ કથળી હોય તેવું સ્પષ્ટ સાબિત થઇ રહ્યું છે.
મહિલાની લાશને એમ્બ્યુલન્સના આવતા ટેમ્પામાં લઈ જવાની ફરજ પડી
ઝનૂની પ્રેમીએ ઉપરાછાપરી કથિત પ્રેમ પ્રકરણમાં મહિલાની હત્યા કરી દીધી હતી. હત્યાના બનાવ બાદ પરિસ્થિતિ એટલી ખરાબ બની કે મહિલાની લાશને એમ્બ્યુલન્સના આવતા ટેમ્પામાં લઈ જવાની ફરજ પડી હતી. હાલ પોલીસ આરોપીને શોધી રહી છે. બીજી તરફ આ વિસ્તારમાં ગુનેગારોએ માથું ઉચક્યું હોવાના અનેક બનાવ સામે આવી રહ્યા છે. તેવા સમયે સ્થાનિક પોલીસનો વિસ્તારમાં સહેજ પણ પ્રભાવ ન હોવાનું સ્પષ્ટ સાબિત થઇ રહ્યું છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1  ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).