Face Of Nation 30-04-2022 : IPL 2022ની 44 મેચોમાં મુંબઈ ઈન્ડિયન્સે 5 વિકેટથી રાજસ્થાન રોયલ્સને હરાવ્યું છે. MI પાસે 159 રનનો ટાર્ગેટ હતો, જેને ટીમે છેલ્લી ઓવરમાં ચેઝ કરી લીધો હતો. સૂર્યકુમાર યાદવે મેચ વિનિંગ ફિફ્ટી ફટકારી હતી જ્યારે તિલક વર્માએ 35 રન કર્યા હતા. તમને જણાવી દઈએ કે સતત 8 મેચમાં હારનો સામનો કર્યા પછી આ ટૂર્નામેન્ટમાં મુંબઈની પહેલી જીત છે. ટીમ માટે આ જીત એટલા માટે પણ ખાસ છે કારણ કે MIએ કેપ્ટન રોહિત શર્માના 35માં જન્મદિવસના અવસર પર તેમને ભેટ આપી છે. તે જ સમયે, RRની 9 મેચોમાં આ ત્રીજી હાર છે. ટીમે અત્યારસુધી 6 મેચ જીતી છે.
હિટમેનનો ફ્લોપ શો, ઈશાને ફરીથી નિરાશ કર્યા
મુંબઈના કેપ્ટન રોહિત શર્માનું ખરાબ ફોર્મ ચિંતાનો વિષય બની ગયો છે. રાજસ્થાન સામે ફરી એકવાર તે હાઈસ્કોરિંગ ઇનિંગ્સ રમી શક્યો નહોતો. આ મેચમાં તે 5 બોલમાં 2 રન કરીને પેવેલિયન ભેગો થયો હતો. વળી 30 એપ્રિલે હિટમેનનો જન્મદિવસ હતો, તેથી બધા ફેન્સને આશા હતી આજે રોહિત શાનદાર પ્રદર્શન કરશે, પરંતુ એવું થયું નહીં. આ સિઝનમાં રોહિત એકપણ ફિફ્ટી ફટકારી શક્યો નથી. તો બીજીતરફ રોહિતના સ્ટ્રોંગમેન ઇશાન કિશનને સારી શરૂઆત મળી હતી, પરંતુ તે પણ મોટી ઇનિંગ્સ રમી શક્યો નહોતો. કિશને 18 બોલમાં 26 રન કર્યા હતા. આ દરમિયાન તેણે 4 ચોગ્ગા અને 1 છગ્ગો ફટકાર્યો હતો.
જોસ બટલરની 14મી ફિફ્ટી
આ મેચમાં જોસ બટલરે આક્રમક ઇનિંગ રમીને 48 બોલમાં તેની IPL કરિયરની 14મી ફિફ્ટી ફટકારી હતી. આ મેચમાં જોસ બટલરે 67 રન કર્યા હતા. જેમાં 4 છગ્ગા અને 5 ચોગ્ગા ફટકારી તેણે મુંબઈના બોલર્સની મુશ્કેલીમાં વધારો કર્યો હતો.
ઓક્શનની ભૂલ મુંબઈને મોંઘી પડી
આ સિઝનમાં મુંબઈનું પ્રદર્શન નિરાશાજનક રહ્યું છે. મેગા ઓક્શન દરમિયાન ખેલાડીઓની પસંદગીમાં ટીમ મેનેજમેન્ટનો પ્લાન ફ્લોપ રહ્યો હતો. મુંબઈએ સૌથી પહેલા તો ઇશાન કિશન પર પાણીની જેમ પૈસા ખર્ચ કરી મોટી ભૂલ કરી હતી. ત્યારપછી બુમરાહને કોઈ આક્રમક બોલરનો સાથ મળે એનું ધ્યાન પણ રાખ્યું નહીં અને ટ્રેન્ટ બોલ્ટને રિટેન ન કરવો પણ ભારે પડ્યો છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
