Face Of Nation 30-04-2022 : નાસાના ડ્રોન હેલિકોપ્ટરે મંગળ ગ્રહ પર એલિયન સ્પેશિપના કાટમાળ જેવા દેખાતા લેન્ડિગ ગિયર્સની તસવીરો શેર કરી છે. જેનું પ્રાથમિક અનુમાન એવું લગાવાઈ રહ્યું છે કે આ પરગ્રહવાસીની સ્પેસશિપની લેન્ડિંગ દરમિયાન ક્રેશ થયેલો કાટમાળ હોઈ શકે છે. એટલું જ નહીં નાસાએ પણ આની તસવીરો શેર કરી છે.
‘અજ્ઞાત સ્પેસશિપ’ ક્રેશ થવાનું કારણ
નાસાએ આ સ્પેસશિપના ક્રેશ થવા મુદ્દે જણાવ્યું કે આ અત્યંત ઝડપથી મંગળ પર પ્રવેશતું હશે. તે સમયે ગુરુત્વાકર્ષણ બળ અને વધુ પડતા તાપમાનના પરિણામે આ સ્પેસશિપ જમીન પર ક્રેશ થઈ ગઈ છે. એટલું જ નહીં નાસાએ વધુમાં ઉમેર્યું છે કે, આના કાટમાળથી અહીં લેન્ડ થવાથી લઈ કેવા પ્રકારની સ્પેસશિપ બનાવી શકાય એની માહિતી પણ મળી શકે છે. આની પાછળના એન્જિનિયરિંગની સહાયથી આગળ ઘણું સંશોધન પણ થઈ શકે છે.
કાટમાળના અભ્યાસ પછી ઘણું સંશોધન થઈ શકશે
નાસાના પૂર્વ પ્રિઝર્વન્સ સિસ્ટમ એન્જિનિયર ડો. ઈયાન ક્લાર્કે ન્યૂયોર્ક ટાઈમ્સને જણાવ્યું છે કે આ કાટમાળના અભ્યાસ પછી ઘણું સંશોધન થઈ શકે છે. એટલું જ નહીં આના દ્વારા મંગળ પર સુરક્ષિત લેન્ડિંગ કેવી રીતે કરવા તથા કેવા પ્રકારે સ્પેસશિપનું નિર્માણ કરવું એની માહિતી પણ મળી શકે છે. આ તમામ ડેટાબેઝ માર્સ રિટર્ન પ્લાનિંગમાં પણ અમને મદદરૂપ થઈ શકે છે. જોકે આ તમામ પાસાઓ સિવાય પણ જોવા જઈએ તો આ તસવીરો અદ્ભૂત અને ચોંકાવનારી છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
