Face of Nation 03-01-2022: પંજાબ વિધાનસભાની ચૂંટણીનો સમય જેમ જેમ નજીક આવી રહ્યો છે, તેમ તેમ તમામ રાજકીય પક્ષોએ પોતાનો ચૂંટણી પ્રચાર તેજ કરી દીધો છે. કોંગ્રેસે પંજાબના લોકો માટે મોટી જાહેરાત કરી છે. કોંગ્રેસે છોકરીઓના શિક્ષણને પ્રોત્સાહન આપવાની સાથે 12મું ધોરણ પાસ કર્યા પછી દરેક છોકરીને 20 હજાર રૂપિયા આપવાનું વચન આપ્યું છે. આ સાથે આગળના અભ્યાસ માટે છોકરીઓને કોમ્પ્યુટર અને ટેબલેટ આપવાનું પણ કહેવામાં આવ્યું છે.
પંજાબ કોંગ્રેસના અધ્યક્ષ નવજોત સિંહ સિદ્ધુએ તેની જાહેરાત કરતા કહ્યું છે કે, પાર્ટી 5મું અને 10મું ધોરણ પાસ કર્યા પછી દરેક છોકરીને 5 હજાર અને 15 હજાર રૂપિયા આપશે. તે જ સમયે, ધોરણ 12 પાસ કરનાર વિદ્યાર્થીનીઓને 20 હજાર રૂપિયા આપવામાં આવશે. આ ઉપરાંત તેમને કોમ્પ્યુટર અને ટેબલેટ પણ આપવામાં આવશે, જેથી તેમના આગળના અભ્યાસમાં કોઈ મુશ્કેલી ન આવે.
વિધાનસભા ચૂંટણીને ધ્યાનમાં રાખીને પંજાબની જનતાને રીઝવવા માટે આમ આદમી પાર્ટીએ કોંગ્રેસ સમક્ષ રાજ્યમાં વાયદાઓનો ધમધમાટ કર્યો હતો. હવે આ પછી કોંગ્રેસે ચૂંટણી પહેલા મોટા વચનો આપ્યા છે. પંજાબમાં છોકરીઓના શિક્ષણ ઉપરાંત મહિલાઓ માટે પણ કોંગ્રેસ દ્વારા મોટી જાહેરાતો કરવામાં આવી છે.
સિદ્ધુએ પંજાબના ભદૌરમાં એક રેલીને સંબોધતા જાહેરાત કરી કે, જો પંજાબમાં કોંગ્રેસની સરકાર બનશે તો ફરી એકવાર મહિલાઓને દર મહિને 2,000 રૂપિયા આપવામાં આવશે અને સરકાર દ્વારા 1 વર્ષમાં પરિવારના સભ્યોને 8 સિલિન્ડર આપવામાં આવશે.
અગાઉ, પંજાબના મુખ્યમંત્રી ચરણજીત સિંહ ચન્નીએ શનિવારે કહ્યું હતું કે, તેઓ કોંગ્રેસના પંજાબ યુનિટના પ્રમુખ નવજોત સિંહ સિદ્ધુ સાથે કામ કરવા અને પાર્ટી માટે કોઈપણ બલિદાન આપવા તૈયાર છે. મુખ્યપ્રધાનની ટિપ્પણી તેમની અને સિદ્ધુ વચ્ચે ચાલી રહેલા શીત યુદ્ધની પૃષ્ઠભૂમિમાં આવી છે. સિદ્ધુ અવારનવાર પોતાની જ પાર્ટીની રાજ્ય સરકારની ટીકા કરે છે.
સરકાર વિરુદ્ધ સિદ્ધુની પ્રતિકૂળ ટિપ્પણી વિશે પૂછવામાં આવતા, ચન્નીએ કહ્યું હતું કે તે પાર્ટીના વફાદાર સૈનિક છે અને અત્યંત ઇમાનદારીથી તેમની ફરજ નિભાવી રહ્યા છે. તેણે કહ્યું, હું સિદ્ધુ સાહેબ સાથે કામ કરવા માટે તૈયાર છું અને પહેલેથી જ કરી રહ્યો છું. હું પક્ષના ભલા માટે કોઈપણ બલિદાન આપવા હંમેશા તૈયાર છું. પાર્ટી મને જે પણ કહેશે હું તેનું પાલન કરીશ.(આપની આસપાસ બનતી માહિતીના ફોટા કે વિડીયો અથવા આપની રજુઆત કે જેને તમે સમાચારમાં સ્થાન આપવા માંગતા હોવ તેને અમને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1. ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
