Face Of Nation:આવતી કાલે 15મી ઓગસ્ટ એટલે સ્વાતંત્ર્ય દિવસ છે. ત્યારે દેશ માટે આગવું યોગદાન આપવા માટે રાષ્ટ્રપતિ ભવન ખાતે રાષ્ટ્રપતિના હાથે વિવિધ મેડલ આપીને સન્માન કરાશે. આવતી કાલે થનારા સન્માન કાર્યક્રમમાં સન્માનીત થનારા કર્મચારીઓની યાદી બહાર પાડી છે જેમાં દેશભરના કુલ 946 પોલીસ કર્મચારીઓનું સન્માન કરવામાં આવશે. જેમાં ગુજરાતના 13 પોલીસ કર્મચારીઓનું સન્માન કરવાાં આવશે. ગુજરાતના શ્રેષ્ઠ પોલીસ કામગીરી માટે 1, પ્રશંસનીય કામગીરી માટે 12 પોલીસ કર્મચારીઓનું સન્માન કરવામાં આવશે. આ ઉપરાંત 1 ફાયર જવાન અને હોમગાર્ડના 4 જવાનોનું પણ સન્માન કરવામાં આવશે.મળતી માહિતી પ્રમાણે ગાંધીનગર પોલીસ ભવનમાં સીઆઇડી ઇન્ટેલિજન્સ પોલીસ ઇન્સ્પેક્ટર તરીકે ફરજ બજાવતા શૌલેષ દેવીપ્રસાદ રાવલને શ્રેષ્ઠ પોલીસ કામગીરી માટે રાષ્ટ્રપતિ મેડલથી સન્માનિત કરવામાં આવશે.
