Face Of Nation:INX મીડિયા કેસમાં ધરપકડથી બચવા માટે, પી.ચિદમ્બરમ દિલ્હીના જોરબાગ સ્થિત મકાનમાં છુપાયા હતા અને તેમની ધરપકડ કરવા માટે, CBI ની એક ટીમ દીવાલ કુદીને ઘરમાં પ્રવેશી હતી.આપને જણાવી દઇએ કે, INX મીડિયા કેસમાં ધરપકડની તલવાર લટકેલી હોવા છતાં 24 કલાક તેઓ ગાયબ થઇ ગયા હતા. જો કે, બુધવારની રાતે 8 વાગ્યેને 10 મિનિટે હાઇ વોલ્ટેજ ડ્રામાની વચ્ચે નાણાં મંત્રી પી.ચિદમ્બર કોંગ્રેસ કાર્યાલય પહોંચ્યા હતા. પી ચિદમ્બરમે ખુદને ઘરમાં કેદ કર્યા હતા. જ્યારે સીબીઆઇએ પોલીસ બોલાવી પડી. જ્યારે બીજી તરફ ચિદમ્બરમના ઘરની બહાર હંગામો થઇ રહ્યો છે. પોલીસની ગાડી ચિદમ્બરમના ઘરની અંદર ગઇ છે.નોંધનીય છે કે, કોંગ્રેસ કાર્યાલયે ખાલી હાથે પાછી ફરેલી સીબીઆઇની ટીમ પી. ચિદમ્બરમના ઘરે પહોંચી હતી. અહીં સીબીઆઇની ટીમ પી ચિદમ્બરમના ઘરની દિવાલ કૂદીને ઘરમાં ઘુસી હતી અને હાઇ વોલ્ટેજ ડ્રામાને અંતે કોંગ્રેસી નેતા પી ચિદમ્બરમની ધરપકડ કરવામાં આવી હતી.
