ગફુરે બન્ને મેચની તુલના દેશોની સરહદ પર થયેલા હુમલાની સાથે ન કરવાની અપીલ કરી
અમિત શાહે ભારતીય ટીમને જીતની શુભેચ્છા પાઠવી હતી
Face Of Nation:નવી દિલ્હીઃ ભારત સામે મળેલી હાર બાદ પાકિસ્તાનના ચાહકોની સાથે સાથે પાકિસ્તાની સેના પણ નિરાશ થઈ ગઈ છે. સેનાના પ્રવક્તાએ હાર બાદ કહ્યું કે, મેચને સ્ટ્રાઈક સાથે ન જોડશો. પાકિસ્તાની સેનાની મીડિયા વિંગ સર્વિસેઝ પ્બિલક રિલેશન્સના મહાનિયામક આસિફ ગફુરે સોમવારે ભારતના ગૃહમંત્રી અમિત શાહને ક્રિકેટમાં પાકિસ્તાનની હાર અને બન્ને દેશોની સરહદ પર થયેલા હુમલાઓની તુલના ન કરવાની અપીલ કરી હતી.
મેજર જનરલ ગફુરનું આ નિવેદન વર્લ્ડ કપમાં પાકિસ્તાન પર ભારતની જીત પર ભારતીય ટીમને અમિત શાહે શુભેચ્છા પાઠવ્યા બાદ આપ્યું હતું.
ગૃહમંત્રીએ રવિવારે ટ્વીટ કરીને કહ્યું કે, ટીમ ઈન્ડિયાએ પાકિસ્તાન પર વધુ એક સ્ટ્રાઈક કરીને સફળતા મેળવી. અદભૂત પ્રદર્શન માટે ટીમ ઈન્ડિયાને શુભેચ્છાઓ. દરેક ભારતીય તમારી પર ગર્વ કરી રહ્યો છે.
તો ગફુરે પણ ટ્વીટ કરીને શાહને જવાબ આપતા કહ્યું કે, પ્રિય અમિત શાહ. હાં, આપની ટીમે એક મેચ જીતી છે. ખેલાડીઓએ સારુ પ્રદર્શન કર્યુ. બે અલગ અલગ વસ્તુઓની તુલના ન કરી શકાય તેમ સ્ટ્રાઈક અને મેચની પણ તુલના ન કરી શકાય.
