https://youtube.com/shorts/y9l63PX-LXI
Face Of Nation 01-06-2022 : પ્રધાનમંત્રી નરેન્દ્ર મોદીએ પોતાના નેતૃત્વવાળી કેન્દ્ર સરકારના 8 વર્ષ પૂરાં કર્યા, આ પ્રસંગે આયોજિત એક કાર્યક્રમમાં ઉપસ્થિત રહેવા તેઓ શિમલા ગયા હતા. જ્યાં એક રોડ શોમાં પણ સામેલ થયા હતા. આ દરમિયાન તેમને એક યુવતીના હાથમાં પોતાના માતા હીરાબાની પેઇન્ટિંગ જોઈ. લોકોના આશ્ચર્ય વચ્ચે તેમને આ પેઇન્ટિંગ જોવા પોતાનો કાફલો અટકાવ્યો અને યુવતી પાસે પહોંચી ગયા. પ્રધાનમંત્રી મોદીનો આ વીડિયો સોશિયલ મીડિયામાં ઘણો જ વાયરલ થઈ રહ્યો છે. યૂઝર્સ આ વીડિયોને ઘણો શેર પણ કરી રહ્યાં છે.
પ્રધાનમંત્રી મોદીએ યુવતી સાથે વાત પણ કરી
પ્રધાનમંત્રી મોદી એક કાર્યક્રમમાં ભાગ લેવા માટે હિમાચલ પ્રદેશના પાટનગર શિમલા પહોંચ્યા હતા. આ દરમિયાન તેમને રોડની એક બાજુ ઊભેલી યુવતીના હાથમાં પોતાના માતા હીરાબાની પેઇન્ટિંગ જોઈ. આ પેઇન્ટિંગને લેવા માટે પ્રધાનમંત્રી મોદીએ પોતાનો કાફલો અટકાવ્યો. મોદીએ યુવતીને મળ્યા અને તેમના દ્વારા બનાવેલી પેઇન્ટિંગને નિહાળી તેમજ માતા હીરાબાની પેઇન્ટિંગનો ભેટ તરીકે સ્વીકાર કર્યો. આ દરમિયાન તેમને યુવતી સાથે વાતચીત કરી અને પૂછ્યું કે આ પેઇન્ટિંગ તમે જાતે બનાવી છે. જેના પર યુવતીએ કહ્યું હાં મેં બનાવી છે. પ્રધાનમંત્રી મોદીએ તેમને વધુમાં પૂછ્યું કે આ પેઇન્ટિંગ બનાવવામાં કેટલો સમય લાગ્યો, જેના પર યુવતીએ જવાબ આપ્યો એક જ દિવસમાં આ તૈયાર કરી છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
