Face Of Nation 10-06-2022 : પયગંબર મોહમ્મદ પર વિવાદાસ્પદ ટિપ્પણી પછી BJPથી નિષ્કાસિત નેતા નૂપુર શર્મા વિરૂદ્ધ શુક્રવારે દેશભરમાં પ્રદર્શન શરૂ થઈ ગયું છે. ઉત્તર પ્રદેશ, દિલ્હી, કર્ણાટક, બંગાળના ઘણા શહેરોમાં જુમ્માની નમાઝ પછી લોકો રસ્તા પર ઉતરી આવ્યા અને નૂપુર શર્મા વિરૂદ્ધ નારા લગાડવા લાગ્યા હતા. ઉત્તર પ્રદેશના ઘણા શહેરોમાં પથ્થરમારો અને તોડફોડ કરવામાં આવી હતી. પ્રયાગરાજમાં પ્રદર્શનકારીઓએ PACના ટ્રક પણ ફૂંકી માર્યા છે. જ્યારે કર્ણાટકમાં નુપુરનું પૂતળું ટિંગાડી દેવાયું છે. એક દિવસ પહેલા નુપુર સહિત 33 લોકો વિરૂદ્ધ હેટ સ્પિચ આપવાનો કેસ દિલ્હી પોલીસે દાખલ કર્યો હતો. મુંબઈમાં પણ તેના વિરૂદ્ધ એક કેસ ફાઈલ થયો છે. જોકે દિલ્હી પોલીસે તેને સુરક્ષા પ્રદાન કરી છે, કારણ કે તેને મોતને ઘાટ ઉતારવાની ધમકીઓ પણ મળી રહી છે. તો બીજીતરફ પયગંબર પર વિવાદાસ્પદ ટિપ્પણી અંગે રાંચીમાં શુક્રવારે નમાઝ પછી હિંસક પ્રદર્શન શરૂ થઈ ગયું હતું. લોકોએ મંદિર પર પથ્થરમારો કર્યો જેના જવાબમાં પોલીસ ફાયરિંગ દરમિયાન 35 વર્ષીય વ્યક્તિનું મોત નીપજ્યું છે તો બીજી બાજુ 7 અન્ય લોકોને ગોળી વાગતા ઈજાગ્રસ્ત થયા છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
